قازاقستاندا دەمالىس كۇندەرى كۇن سۋىپ، جاۋىن جاۋادى

استانا. قازاقپارات – 29- ءساۋىر – 1- مامىر ارالىعىندا قازاقستاننىڭ باسىم بولىگىندە اتموسفەرالىق فرونتالدى اعىنداردىڭ وتۋىمەن قۇبىلمالى كۇن رايى قالىپتاسادى - كۇن كۇركىرەپ، جاڭبىر جاۋادى، تۇندە سولتۇستىكتە، ورتالىقتا جانە شىعىستا قار، جاڭبىر جاۋادى، وڭتۇستىك-شىعىستاعى تاۋلى اۋدانداردا بۇرشاق پەن جاڭبىر كۇتىلەدى.

قازاقپارات بۇل تۋرالى قازگيدرومەتكە سىلتەمە جاساپ حابارلايدى.

رەسپۋبليكا اۋماعىندا جەل كۇشەيىپ، تۇمان تۇسەدى. وڭتۇستىكتەگى اۋدانداردا شاڭدى داۋىل بولادى.

1- مامىرعا قاراي سولتۇستىك انتيتسيكلوننىڭ ەنۋىنە بايلانىستى قازاقستاننىڭ باسىم بولىگىندە اۋا تەمپەراتۋراسى تومەندەيدى. سولتۇستىك پەن سولتۇستىك-باتىستا 1-7 گرادۋس ۇسىك، شىعىستا 1-10 گرادۋس ۇسىك بولجانادى.