پەلەنىڭ ەسىمى «ەرەكشە» ماعىناسىن بىلدىرەتىن ۇعىم رەتىندە سوزدىككە ەنەدى
Agencia Brasil ءمالىم ەتكەندەي، بولاشاقتا فۋتبول كورولىنىڭ ەسىمى سوزدىكتىڭ باسپا نۇسقاسىنا دا ەنگىزىلەدى.
«Pelé» تەرمينىن «ەرەكشە»، «بىرەگەي» سوزدەرىنىڭ ءسينونيمى رەتىندە قولدانۋعا بولادى.
«Pelé» سوزىنە مىناداي انىقتاما بەرۋگە بولادى: بارلىق ۋاقىتتاعى ەڭ ۇزدىك سپورتشى پەلەدەن (ەدسون ارانتيس دۋ ناسيمەنتۋ (1940-2022) باسقا ەشكىم تەڭ كەلمەيتىن، اتاقتى، ەرەكشە، بىرەگەي.
سوزدىكتە سونداي-اق pelé ءسوزىنىڭ پورتۋگال تىلىندەگى ۇلگىلەرى كەلتىرىلەدى. مىسالى، ول - باسكەتبولداعى پەلە، ول - تەننيستەگى پەلە، ول - مەديتسيناداعى پەلە.
پەلەنى پورتۋگال تىلىندەگى سوزدىككە ەنگىزۋ جونىندەگى باستامانى 125 مىڭنان استام ادام قولداپ، 2023 -جىلعى Sports Summit São Paulo - لاتىن امەريكاسىنداعى ءىرى سپورتتىق ءىس-شارا كەزىندە تانىستىرىلعان.
Michaelis - برازيليالىق Melhoramentos باسپاسىنىڭ پورتۋگال تىلىندەگى سوزدىگى.
العاشقى سوزدىكتى ⅩⅨ عاسىردىڭ اياعىندا نەمىس لەكسيكوگرافى گەنريەتتا ميحاەليس ءوزىنىڭ ءسىڭلىسى، فيلولوگ كارولينا ميحاەليس دە ۆاسكونسەلوسپەن بىرگە قۇراستىرعان.
ەسكە سالا كەتەيىك، بۇدان بۇرىن «مانچەستەر سيتي» شابۋىلشىسى اعىلشىن ليگاسىندا رەكورد ورناتقانىن جازعان بولاتىنبىز.
سونداي-اق ءبىرىنشى ليگادا «اق جايىق» استانادا «جەڭىستەن» جەڭىلىپ قالدى.
