15:43, 28 - ءساۋىر 2023 | GMT +6
حالىقارالىق «ازيا داۋىسى» فەستيۆالىنە شەتەلدەگى قانداستارىمىز دا قاتىسادى
استانا. قازاقپارات - «ازيا داۋىسى» حالىقارالىق فەستيۆالىنە شەتەلدەگى قانداستارىمىز دا قاتىسادى، دەپ حابارلايدى قازاقپارات وتانداستار قورىنا سىلتەمە جاساپ.
وسىدان 33 جىل بۇرىن «مەدەۋ» مۇز ايدىنىندا تۇساۋىن كەسكەن «ازيا داۋىسى» حالىقارالىق فەستيۆالى از ۋاقىتتا تالاي دارىندى ەلگە تانىتقانى بەلگىلى.
اراعا 18 -جىل سالىپ اتالمىش جوبا ۇلكەن ساحناعا قايتا ورالدى.
بيىلدان باستاپ، وتانداستار قورىنىڭ باستاماسىمەن «ازيا داۋىسى» ساحناسىندا شەت ەلدەردە تۇراتىن قانداستارىمىز دا ونەر كورسەتەتىن بولادى.
بۇل جاعداي وتانداستار قورى مەن «ازيا داۋىسى» حالىقارالىق فەستيۆالى قول قويعان مەموراندۋمدا كەلىسىلدى.
ىنتىماقتاستىقتىڭ ماقساتى - شەتەلدەردە تۇراتىن تالانتتى وتانداستاردىڭ ونەرىنە ەرەكشە ءمان بەرىپ، قولداۋ كورسەتۋ.
