كىنالى ەمەسپىن: سەرىك كۇدەبايەۆ سوتتا سوڭعى ءسوزىن ايتتى
«مەن كىنالى ەمەسپىن. حالقىما وق اتپادىم. ازاپتاۋ بولمادى. تاعىلعان ايىپتار سوتتا دالەلىن تاپپادى»، - دەدى سەرىك كۇدەبايەۆ سوتتاعى سوڭعى سوزىندە.
سوت ساعات 15:00 گە اۋىستىرىلدى. سول كەزدە ۇكىم شىعادى دەپ كۇتىلىپ وتىر.
بۇگىن ساعات 11:00-دە ءوتۋى ءتيىس سوت وتىرىسى بىرنەشە ساعاتقا كەشىگىپ باستالدى. سەرىك كۇدەبايەۆتى سوت زالىنا ارنايى كۇزەتپەن جەتكىزدى.
تۇسكى ساعات 13:25-تە سوت وتىرىسى باستالدى.
پروتسەسس باستالماس بۇرىن سەرىك كۇدەبايەۆتىڭ ۇلى ارمان مىرزاقۇلوۆ اكەسىن «ەلگە ءوز ەركىمەن كەلدى» دەگەن مالىمدەمە جاساعان بولاتىن.
ايتا كەتەيىك، سەرىك كۇدەبايەۆقا بيلىك پەن لاۋازىمدىق وكىلەتتىگىن اسىرا پايدالاندى جانە ازاپتاۋعا قاتىسى بار دەگەن ايىپ تاعىلعان.
سوتتىڭ ءتارتىبىن بۇزىپ، شەكارانى زاڭسىز ءوتىپ، ەلدەن قاشىپ كەتكەنى ءۇشىن سەرىك كۇدەبايەۆتىڭ قانشا جىل جازا ارقالايتىنىن سوت شەشەدى.
ەسكە سالا كەتەيىك، 3-ساۋىردە سەرىك كۇدەبايەۆقا حالىقارالىق ىزدەۋ جاريالانعان بولاتىن.
الايدا، كۇدىكتىنىڭ ەل اۋماعىنان تىسقارى بوي تاسالاعانىن شەكارا قىزمەتى ناۋرىزدىڭ 27 ى كۇنى ءبىر-اق بىلگەن.
باس پروكۋراتۋرا سەرىك كۇدەبايەۆتىڭ قاشىپ كەتۋ فاكتىسىنە وراي قىلمىستىق ءىس قوزعادى.
ال 27-ءساۋىر كۇنى كۇدەبايەۆتىڭ ۇستالعانى تۋرالى اقپاراتتى باس پروكۋراتۋرا راستادى.
ايتا كەتەيىك، تالدىقورعانداعى جەتىسۋ وبلىستىق سوتىندا سەرىك كۇدەبايەۆقا قاتىستى سوت وتىرىسى 5-قاڭتاردا باستالعان.
ول 2020 -جىلدان باستاپ 2022 -جىلدىڭ قاڭتارىنا دەيىن الماتى وبلىسى پوليتسيا دەپارتامەنتىنىڭ باستىعى قىزمەتىن اتقارعان. سول لاۋازىمىن اتقارۋ كەزىندە قاڭتار وقيعاسى بويىنشا كۇدىكتى دەپ تانىلعان.
سوت تالقىلاۋى بارىسىندا پروكۋرور سۋديادان سەرىك كۇدەبايەۆقا 9 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
