بۇل ولىمگە اكەلەدى. دارىگەر مىسىق تىرناسا قانداي اۋرۋلار جۇعاتىنىن ايتتى

الماتى. قازاقپارات - مىسىقتىڭ تىرناعىنان بولاتىن جاراقاتتار ينفەكسيا مەن سەپسيسكە قاۋىپ توندىرەدى، بۇل ولىمگە اكەلەتىن جاعداي، دەپ ەسكەرتتى تەراپەۆت پاۆەل رامەنسكي.

ول Newsru باسىلىمىنا بەرگەن سۇحباتىندا مىسىقتىڭ تىرناعىنىڭ ادامعا قاۋىپتىلىگىن ءتۇسىندىردى.

رامەنسكيدىڭ ايتۋىنشا، مىسىقتاردىڭ تىرناعىندا كەزدەسەتىن Pasteurella multocida باكتەريالارىسى ادامعا قاۋىپتى.

«ول اۋىر قابىنۋدى تۋدىرۋى مۇمكىن، ال كەيبىر جاعدايلاردا ءتىپتى سەپسيسكە اكەلەدى. ەگەر مىسىق تىرناسا، ونى مۇمكىندىگىنشە تەزىرەك ەمدەڭىز»، - دەدى دارىگەر.

دارىگەر جاراقات ءبىر قاراعاندا جەڭىل بولىپ كورىنسە دە، ەمدەۋ قاجەت ەكەنىن ايتتى.

رامەنسكيدىڭ ايتۋىنشا، تىرناق ءىزى تەرى بەتىندەگى باكتەريالاردان قۇتىلۋ ءۇشىن سۋمەن جۋۋ كەرەك، سودان كەيىن دەزينفەكسيالاۋشى زاتپەن ەمدەۋ كەرەك. اۋىر قابىنۋ، اۋىرسىنۋ جانە پۋستۋليارلى ينفەكسيا كەزىندە انتيبيوتيكتەردى تاعايىنداي الاتىن دارىگەرگە بارۋ كەرەك.

دارىگەر مىسىق تىرناماسانى دەسەڭىز قاۋىپتى ويىن ويناماڭىز نەمەسە دالاداعى مىسىقتاردى ۇستاماڭىز دەپ ەسكەرتەدى.