تيك-توكپەن بالالار قۇقىقتارىنا قاتىستى كەلىسسوز باستادىق - اقپارات ءمينيسترى
«ءۇشىنشى باعىتىمىز - قازاق ءتىلدى كونتەنتتى دامىتۋ. بۇل باعىتتا جاڭا ايتىپ كەتكەن دوكترينا بويىنشا ناقتى شارالار جوسپارىن بەكىتكەنبىز. قازىرگى كەزەڭدە قازاق تىلىندە مەملەكەتتىك ب ا ق-تاعى ورتاشا ستاتيستيكا - 85 پروتسەنت. ءبىز مۇنى تاعى دا ارتتىرۋدى كوزدەپ وتىرمىز. اسىرەسە ونلاين پلاتفورمالاردا 87 پروتسەنتكە دەيىن (قازاق تىلىندە كونتەنت - رەد.) ءوستى. سانى دا، ساپاسى دا ارتىپ كەلەدى. سوندىقتان جالپى مىنا كرەاتيۆتى يندۋسترياعا، سەريالدارعا، باسقا دا ونىمدەرىمىزگە ىشكى نارىقتا عانا ەمەس، سىرتتا دا سۇرانىس كوپ»، - دەدى مينيستر.
ونىڭ سوزىنشە، بۇل سالاداعى الەمنىڭ الپاۋىت كومپانيالارى قازاقستان نارىعىنا قىزىعۋشىلىق تانىتىپ وتىر.
«سونىڭ ىشىندە وكىلدىكتەرىن اشۋ ماسەلەسى، قازاقستاندا تىركەلۋ، ينتەرفەيستەرىن قازاقشالاۋ ماسەلەسى شەشىمىن تاۋىپ جاتىر. مىسالى TikTok ءبىزدىڭ ۇسىنىسىمىز بويىنشا ينتەرفەيسىن قازاقشالادى. جالپى TikTok-پەن بالالار قۇقىقتارى، باسقا دا ماسەلەلەر بويىنشا كەلىسسوزدەردى باستاپ كەتتىك. مامىر ايىنىڭ سوڭىندا جاڭا مەديا فورۋمىن وتكىزەمىز. سوعان بارشاڭىزدى شاقىرامىز. ول جەردە ءبىز جاساندى زەيىن جونىندە كەڭىرەك اڭگىمەلەيمىز دەپ ويلايمىن»، - دەدى مينيستر.
