11:56, 28 - ءساۋىر 2023 | GMT +5
كۇرەسىپ جاتقان اكەسى ءۇشىن جانۇشىرا ايعايلاعان قىز قازنەتتى ءتانتى ەتتى - ۆيدەو
استانا. قازاقپارات - الەۋمەتتىك جەلىدە اكەسىنە قولداۋ كورسەتكەن كىشكەنتاي قىزدىڭ ۆيدەوسى تارادى.
كادرلاردان ەر ادام كۇرەسىپ جاتقانى كورىنەدى، ال قىزى قولداۋ كورسەتىپ، جانۇشىرا ايعايلايدى.
«اكەسى كۇرەسىپ جاتسا، قىزىنىڭ قولداۋى»، - دەلىنگەن ۆيدەودا.
«پاپا، پاپا، پاپا»، - دەيدى قىز ۆيدەودا.
جەلى قولدانۋشىلارى جانتەبىرەنتەر كورىنىسكە جىلى لەبىزدەرىن جازعان.
«اكەسىنىڭ ترەنەرى عوي»، «اكە ارتقا لاقتىر»، «قىز اكەگە جاقىن بولادى»، «مىناداي قولداۋمەن تاۋ قوپاراسىڭ عوي»، «اكەسى ءۇشىن جانىن بەرەتىن قىز عوي»، «نە دەگەن مىقتى قىز، اكەسىن قولداپ شىرىلداپ جاتقان. «پاپا، ارتىنان باسساي» دەي مە، جانىم كىشكەنتاي، جۇرەگىڭنەن اينالدىم!» - دەيدى پىكىر جازعاندار.
TikTok-تا ۆيدەونى جاريالاعان جىگىت كەيىن قىزدىڭ اكەسى جەڭىسكە جەتكەنىن جازعان.
