پاۆلوداردا اۆتوپاركتەردىڭ لاۋازىمدى تۇلعالارى جاۋاپكەرشىلىككە تارتىلدى
پاۆلودار وبلىسى پوليتسيا دەپارتامەنتىنىڭ باسپا ءسوز قىزمەتىنىڭ مالىمدەۋىنشە، ءىس-شارا جول-كولىك وقيعالارىنىڭ الدىن الۋ، جولاۋشىلاردى تاسىمالداۋدى جۇزەگە اسىراتىن جۇرگىزۋشىلەر اراسىندا كولىك ءتارتىبىن ارتتىرۋ ماقساتىندا وتكىزىلەدى.
«مىسالى، 20 جۇرگىزۋشى كولىكتى باسقارۋ كەزىندە ۇيالى تەلەفوندى پايدالاندى. ب19 قوعامدىق كولىك جۇرگىزۋشىسى مانيەۆر جاساۋ ەرەجەلەرىن بۇزدى. سالوندا جولاۋشىلارى بار تاعى 10 جۇرگىزۋشى كولىك قۇرالىن زاڭسىز جابدىقتاعان، 9 جۇرگىزۋشى تەحنيكالىق تەكسەرۋدەن وتپەگەن. ءتۇرلى قۇقىق بۇزۋشىلىقتار ءۇشىن مامانداندىرىلعان ايىپ تۇراعىنا 3 اۆتوبۋس قويىلدى»، - دەدى پاۆلودار وبلىسى پ د جەرگىلىكتى پوليتسيا قىزمەتىنىڭ باستىعى قۋانىش مۇستافينوۆ.
تەحنيكالىق اقاۋلارى بار كولىك قۇرالدارىن پايدالانۋعا شىعارعان جانە وزگە دە پايدالانۋ ەرەجەلەرىن بۇزعانى ءۇشىن اۆتوپاركتەردىڭ ءۇش لاۋازىمدى ادامىنا قاتىستى ق ر ا ق ب ت ك 617-بابى بويىنشا اكىمشىلىك ماتەريالدار جاسالدى.
سونىمەن قاتار، پوليتسيا قىزمەتكەرلەرى 22 اۆتوبۋستىڭ تەحنيكالىق سايكەستىگىن تەكسەردى.
ماسەلەن، ەكىباستۇزدا پاز ماركالى اۆتوبۋس جۇرگىزۋشىسىنىڭ زاڭسىز قايتا جابدىقتاۋ فاكتىسى انىقتالدى. كاسىپكەر جۇرگىزۋشى قوسىمشا ورىندىق ورناتقان. ول ءۇشىن ق ر ا ق ب ت ك 7-بولىگىنىڭ 590-بابى بويىنشا 15 ا ە ك مولشەرىندە ايىپپۇل سالۋمەن جاۋاپقا تارتىلدى.
«جول ءجۇرۋ ەرەجەلەرىن بۇزعانى ءۇشىن جازالاۋ شارالارى جىل سايىن كۇشەيىپ كەلەدى. الايدا جولداردا ءالى دە نەمقۇرايلىلىق تانىتاتىن جانە جول قوزعالىسىنىڭ باسقا قاتىسۋشىلارى ءۇشىن جاۋاپكەرشىلىكتى سەزىنبەيتىن ازاماتتار ساناتى ازايماي تۇر. بۇل ابايسىزدىق كەيدە قايعىلى وقيعامەن اياقتالادى»، - دەپ اتاپ ءوتتى پوليتسيا.
پاۆلودار وبلىسىنىڭ پوليتسيا دەپارتامەنتى تاعى دا ءبىزدىڭ ءوڭىردىڭ جۇرگىزۋشى قۇرامىن، سونداي-اق جاياۋ جۇرگىنشىلەردى جولدارداعى ەڭ از قۇقىق بۇزۋشىلىقتارعا بارماۋعا جانە ولارعا جول بەرمەۋگە شاقىرادى.
