ءجۇز جوعارى وقۋ ورنىنىڭ باسشىلارى پارتاعا قايتا وتىردى

استانا. قازاقپارات - قازاقستاننىڭ 100 جوعارى وقۋ ورنىنىڭ باسشىلارى نازاربايەۆ ۋنيۆەرسيتەتىندە «Academic Leadership Institute» باعدارلاماسى بويىنشا وقۋدى باستادى، دەپ حابارلايدى قازاقپارات.

رەكتورلاردى وقىتۋ - عىلىم جانە جوعارى ءبىلىم مينيسترلىگىنىڭ باستاماسى.

وقۋ باعدارلاماسىنىڭ باستالۋىنا مينيستر ساياسات نۇربەك قاتىستى.

ونىڭ بارىسىندا ج و و-لاردىڭ باسشىلار قۇرامى - رەكتور، پرورەكتور، دەكاندار جانە دەپارتامەنت ديرەكتورلارى ءوز بىلىمدەرىن جاڭارتىپ، جوعارى وقۋ ورىندارىن ءتيىمدى باسقارۋ ءۇشىن قاجەتتى جاڭا داعدىلار مەن يننوۆاتسيالىق تەحنولوگيالاردى يگەرمەك.

«Academic Leadership Institute» باعدارلاماسى جاڭا ءبىلىم كوزى عانا ەمەس، سونىمەن قاتار جوعارى ءبىلىم بەرۋدە باسقارۋشىلىق يننوۆاتسيالاردى تاراتۋ ءۇشىن كاسىپقويلاردىڭ نەتۆوركينگىنە، ماسەلەلەردى تالقىلاۋ جانە ءوزارا ارەكەتتەسۋگە ارنالعان تاماشا الاڭ بولادى»، - دەپ اتاپ ءوتتى ساياسات نۇربەك.