تۋريستەر ءجيى جانە سيرەك توقتايتىن وڭىرلەر رەيتينگى ۇسىنىلدى

استانا. قازاقپارات - مادەنيەت جانە سپورت مينيسترلىگى تۋريستەرگە قىزمەت كورسەتۋ بويىنشا كوشباسشى جانە اۋتسايدەر وڭىرلەر رەيتينگىن ۇسىندى، دەپ حابارلايدى قازاقپارات.

تۋريستەرگە قىزمەت كورسەتۋ كورسەتكىشى تۇرعىسىنان الماتى، استانا جانە شىمكەنت قالالارى كوش باستاپ تۇر.

2022 -جىلى قازاقستانداعى ورنالاستىرۋ نىساندارىنىڭ قىزمەتىن پايدالانعان تۋريستەردىڭ جالپى سانى 7,3 ميلليون ادامعا جەتتى. ولاردىڭ %45 استامى ءۇش مەگاپوليستە توقتاعان.

ال ىشكى تۋريستەردىڭ جالپى سانى 8,6 ميلليون ادامدى قۇرادى.

الماتىعا - 1,8 ميلليون تۋريست (417,4 مىڭى شەتەلدىك تۋريستەر) ، استاناعا — 1,2 ميلليونعا جۋىق (238,5 مىڭ شەتەلدىك تۋريست) ، شىمكەنتكە 450 مىڭعا جۋىق دەمالۋشى (36,5 مىڭ شەتەلدىك) بارعان.

ىشكى جانە سىرتتان كىرگەن تۋريستەر ەڭ از ايالداعان وڭىرلەردىڭ قاتارىندا ۇلىتاۋ وبلىسى بار. مۇندا 25 مىڭنان استام ادام توقتاعان. بۇدان كەيىن قىزىلوردا جانە باتىس قازاقستان وبلىستارى تۇر. اتالعان ەكى وڭىردەگى ورنالاستىرۋ قىزمەتتەرىن 100 مىڭ ادام پايدالانعان.

ايتا كەتەيىك، 2029 -جىلعا دەيىن مادەنيەت جانە سپورت مينيسترلىگى قازاقستانداعى ىشكى ءتۋريزمدى 11 ميلليون ادامعا، ال سىرتتان كەلەتىن دەمالۋشىلار سانىن 4 ميلليون ادامعا دەيىن جەتكىزۋگە نيەتتى. ول ءۇشىن جاقىندا قابىلدانعان تۋريزم سالاسىن دامىتۋ تۇجىرىمداماسىندا ناقتى ءىس- شارالار كوزدەلگەن.