22:56, 27 - ءساۋىر 2023 | GMT +5
ءالىمحان ۇلىنىڭ كەلەسى چەمپيوندىق ايقاسىنا قارسىلاس تابىلدى
استانا. قازاقپارات – بريتانيالىق جۋرناليست ەليوت فوستەر قازاقستاندىق جانىبەك ءالىمحان ۇلىنا WBO چەمپيوندىعىن قورعاۋعا لايقىتى قارسىلاس ۇسىندى.
Vesti.kz تىلشىسىنە بەرگەن سۇحباتىندا ول وسى ۇسىنىسىن ءتۇسىندىرىپ بەردى.
ايتا كەتەيىك، 13- مامىر كاليفورنيا شتاتىنداعى «ستوكتون-ارەنادا» جانىبەك كانادالىق ستيۆەن باتلەرمەن ايقاسادى.
«ستيۆەن باتلەر جامان بوكسشى ەمەس، ءبىراق چەمپيوندىق بەلبەۋ ءۇشىن جۇدىرىقتاسۋعا لايىقتىلاردىڭ ەڭ جاقسىسى ەمەس. ءالىمحان ۇلىنا فەليكس كەش دۇرىس بولاتىن ەدى. جەڭىلمەگەن بريتانيالىق بوكسشى ۇيىم رەيتينگىندە باتلەردەن جوعارى تۇر. ونىڭ ۇستىنە ول قازاقستاندىقتىڭ بۇرىنعى قارسىلاسى - دەنزەل بەنتليدى جەڭگەن. جەڭىلىسسىز كەلە جاتقان ستاتيستيكاسىن دا ەسكەرۋ كەرەك. مەنىڭشە، كەلەسى قورعاۋعا كەش ەڭ جاقسى قارسىلاس»، - دەيدى فوستەر.
