و ا ەلدەرى جانە قىتايدىڭ سىرتقى ىستەر مينيسترلەرى اقپاراتتىق كومميۋنيكە قابىلدادى
مينيسترلىك كەزدەسۋىنە قاتىسۋشىلار كۇن تارتىبىنە سايكەس مامىر ايىندا شيان قالاسىندا وتەتىن «ورتالىق ازيا - قىتاي» العاشقى سامميتىنە دايىندىق ماسەلەلەرىن، وسى ديالوگ فورماتىنا قاتىسۋشى مەملەكەتتەر اراسىنداعى ءتۇرلى باعىتتار بويىنشا ودان ءارى ءوزارا ءىس- قيمىلدىڭ پەرسپەكتيۆالارى مەن كونتۋرلارىن تالقىلادى، سونداي- اق وزەكتى حالىقارالىق ماسەلەلەر بويىنشا پىكىر الماستى.
مينيستر م. نۇرتىلەۋ ءوز سوزىندە ساۋدانى ارتتىرۋ، ەكسپورتتىق تاۋارلار نومەنكلاتۋراسىن كەڭەيتۋ، كولىك ينفراقۇرىلىمىن جەتىلدىرۋ، ازىق- تۇلىك قاۋىپسىزدىگى سالاسىنداعى ءوزارا ءىس- قيمىلدى نىعايتۋ، سۋ ماسەلەلەرى بويىنشا ىنتىماقتاستىقتى جولعا قويۋ جونىندەگى كۇش- جىگەردى بىرىكتىرۋ، مادەني- گۋمانيتارلىق ىنتىماقتاستىقتى كەڭەيتۋ جانە ورتالىق ازيا مەن قىتاي اراسىنداعى وڭىرلىك قاۋىپسىزدىكتى قامتاماسىز ەتۋدىڭ ماڭىزدىلىعىن اتاپ ءوتتى.
«قازاقستان ءبىزدىڭ وڭىرلىك ديالوگتى دامىتۋعا ماڭىزدى ءمان بەرەدى جانە ناقتى جوبالار مەن باعدارلامالاردى ىسكە اسىرۋ ءۇشىن بەلسەندى ءوزارا ءىس- قيمىل جاساۋعا دايىن»، - دەدى م. نۇرتىلەۋ.
«ساۋدا- ەكونوميكالىق ىنتىماقتاستىق ءوزارا ءتيىمدى ارىپتەستىكتىڭ نەگىزگى تىرەكتەرىنىڭ ءبىرى جانە ورتالىق ازيا ەلدەرى قىتايعا ەكسپورتتى ۇدەمەلى ۇلعايتۋ ءۇشىن جەتكىلىكتى الەۋەتكە يە»، - دەپ قوستى م. نۇرتىلەۋ.
ورتالىق ازيا ەلدەرى جانە ق ح ر اراسىندا 2022 -جىلعى 70 ميلليارد ا ق ش دوللارى دەڭگەيىندەگى تاۋار اينالىمىنىڭ جوسپارلى كورسەتكىشتەرىنە مەرزىمىنەن بۇرىن قول جەتكىزىلگەنى جانە بۇل قولدا بار الەۋەتتى ايعاقتايتىنى اتالىپ ءوتتى. وسى رەتتە قازاقستان مەن قىتاي اراسىنداعى تاۋار اينالىمى 2022 -جىلى 24 ميلليارد ا ق ش دوللارىنان استى، بۇل 2021 -جىلمەن سالىستىرعاندا %34 كوپ ەكەنى ايتىلدى.
كەڭەس قورىتىندىسى بويىنشا ورتالىق ازيا مەملەكەتتەرى مەن قىتاي سىرتقى ىستەر مينيسترلەرىنىڭ اقپاراتتىق كومميۋنيكەسى قابىلداندى.
«ورتالىق ازيا - قىتاي» فورماتىن قۇرۋ قىتاي تاراپىنىڭ باستاماسى. وسى فورمات شەڭبەرىندەگى ىنتىماقتاستىقتىڭ باستى ماقساتى - ساياسي- ديپلوماتيالىق ءوزارا ءىس- قيمىل تەتىكتەرىن جەتىلدىرۋ، ساۋدا، ينۆەستيتسيالار، كولىك، دەنساۋلىق ساقتاۋ، عىلىم جانە جوعارى تەحنولوگيالار، قورشاعان ورتانى قورعاۋ جانە مادەنيەت سالالارىنداعى ىنتىماقتاستىقتى نىعايتۋ.
