20:23, 27 - ءساۋىر 2023 | GMT +5
الماتىداعى قاراسۋ كولىنىڭ تابانى العاش رەت تازارتىلا باستادى
الماتى. قازاقپارات - الماتىداعى قاراسۋ كولىن تازارتۋ جۇمىستارى باستالدى. بۇل تۋرالى ەربولات دوسايەۆ الاتاۋ اۋدانى تۇرعىندارىمەن كەزدەسۋى بارىسىندا ءمالىم ەتتى، دەپ حابارلايدى قازاقپارات ءتىلشىسى.
قالا باسشىسىنىڭ سوزىنشە، الاتاۋ اۋدانىندا ۇنەمى سۋ باساتىن جەرلەردىڭ ماسەلەسى تولىق شەشىلدى. 18 ۋچاسكەنىڭ 16 سىندا جۇمىستار ورىندالدى، قالعان 2 ۋچاسكە بويىنشا جاقىندا اياقتالادى.
«سونىمەن قاتار، بيىل ءبىز قاراسۋ كولىن مەحانيكالىق تازارتۋ جۇمىستارىن باستادىق. بۇل كول العاش رەت تازارتىلىپ جاتقانىن اتاپ وتكىم كەلەدى. جۇمىستى وسى جىلدىڭ قىركۇيەك ايىندا اياقتايمىز»، - دەدى ەربولات دوسايەۆ.
بۇعان دەيىن ەسەنتاي وزەنىنىڭ ارناسىن بالشىق، شوگىندى، تاس جانە قوقىستان تازارتۋ جۇمىستارى جۇرگىزىلىپ جاتقانى تۋرالى جازعان بولاتىنبىز.
