پرەزيدەنت: ەلدىكتى بۇزۋ، بىرلىكتى شايقالتۋ - قىلمىس
«حالقىمىزدىڭ ىنتىماق- بىرلىگى بۇل - تاعدىردىڭ بەرە سالعان سىيى ەمەس. بۇل - ەڭ الدىمەن، جۇرتىمىزدىڭ كۇندەلىكتى تاباندى ەڭبەگىنىڭ ارقاسى ەكەنىن دۇرىس ءتۇسىنۋىمىز كەرەك. سوندىقتان ءبىز بىرلىگىمىزدى كۇن سايىن نىعايتىپ وتىرۋىمىز قاجەت»، - دەدى قاسىم- جومارت توقايەۆ.
وسى ورايدا پرەزيدەنت تاتۋلىق پەن كەلىسىم حالقىمىزدىڭ ءومىر سالتىنا اينالۋى ءتيىس ەكەنىن ايتتى.
«ايتپەسە، ەلدىكتى ساقتاپ قالۋىمىز وتە قيىن بولادى. جاقسى تىلەك ايتۋ - حالقىمىزدىڭ قانىنا سىڭگەن قاسيەت. «جاقسى ءسوز - جارىم ىرىس» دەپ بەكەر ايتىلماعان. مەن بارشا وتانداسىمىزدى ەلىمىزدىڭ بەرەكە- بىرلىگىن باعالاي بىلۋگە شاقىرامىن. شىن مانىندە، ەل بىرلىگىن نىعايتۋ ءۇشىن قىزمەت ەتۋ - ەڭ جاۋاپتى ءارى ساۋاپتى ءىس. ەلدىكتى بۇزۋ، بىرلىكتى شايقالتۋ، بۇل - زاڭ الدىندا - قىلمىس، قۇداي الدىندا - كۇنا. وسىنى ءبارىمىز تەرەڭ ءتۇسىنۋىمىز قاجەت»، - دەدى مەملەكەت باسشىسى.
بۇدان بۇرىن حابارلانعانداي، بۇگىنگى سەسسيا بارىسىندا پرەزيدەنت ق ح ا- نىڭ جاڭا سىيلىقتارى مەن وردەنىن بەكىتۋدى ۇسىندى.
