12:08, 27 - ءساۋىر 2023 | GMT +5
سەرىك كۇدەبايەۆ ۋاقىتشا ۇستاۋ يزولياتورىنا قامالدى
استانا. قازاقپارات - الماتى وبلىسى پوليتسيا دەپارتامەنتىنىڭ بۇرىنعى باستىعى س. م. كۇدەبايەۆ ۇستالىپ، ۋاقىتشا ۇستاۋ يزولياتورىنا قامالدى، دەپ حابارلايدى قازاقپارات.
باس پروكۋراتۋرانىڭ مالىمەتىنشە، ول 2022 -جىلدىڭ قاڭتارىندا بولعان وقيعالار كەزىندە بيلىك پەن لاۋازىمدىق وكىلەتتىكتەردى اسىرا پايدالانعانى جانە ازاپتاۋ ءۇشىن ايىپتالدى.
«سوت تالقىلاۋى كەزىندە س. م. كۇدەبايەۆ وزىنە قاتىستى قولدانىلعان بۇلتارتپاۋ شاراسىن بۇزىپ، سوتتان جالتارىپ كەتكەن، سول سەبەپتى قاماۋدا ۇستاۋ تۇرىندەگى بۇلتارتپاۋ شاراسىمەن مەملەكەتارالىق ىزدەۋگە جاريالاندى»، - دەپ جازدى باس پروكۋراتۋرانىڭ باسپا ءسوز قىزمەتى.
