سەرىك كۇدەبايەۆ تۇركيادا ۇستالىپ، ەلگە جەتكىزىلدى

استانا. قازاقپارات - سەرىك كۇدەبايەۆ ۇستالىپ، ەلگە جەتكىزىلدى، دەپ حابارلايدى قازاقپارات ءتىلشىسى.

بۇگىن ەلورداداعى تاۋەلسىزدىك سارايىندا وتەتىن قازاقستان حالقى اسسامبلەياسىنىڭ سەسسياسى اياسىندا ب ا ق وكىلدەرى باس پروكۋرور بەرىك اسىلوۆتان: «كۇدەبايەۆتىڭ ۇستالىپ، قازاقستانعا جەتكىزىلگەنى جايلى اقپارات راس پا؟» دەپ سۇراعان ەدى.

«ءيا»، - دەپ جاۋاپ بەردى باس پروكۋرور.

سونىمەن قاتار ول سەرىك كۇدەبايەۆتىڭ تۇركيادان جەتكىزىلگەنىن دە ايتتى.

ەسكە سالا كەتەيىك، 3- ساۋىردە سەرىك كۇدەبايەۆقا حالىقارالىق ىزدەۋ جاريالانعان بولاتىن.

الايدا، كۇدىكتىنىڭ ەل اۋماعىنان تىسقارى بوي تاسالاعانىن شەكارا قىزمەتى ناۋرىزدىڭ 27- كۇنى ءبىر-اق بىلگەن.

باس پروكۋراتۋرا سەرىك كۇدەبايەۆتىڭ قاشىپ كەتۋ فاكتىسىنە قىلمىستىق ءىس قوزعادى.

ايتا كەتەيىك، الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان.

سوت تالقىلاۋى بارىسىندا پروكۋرور سۋديادان سەرىك كۇدەبايەۆقا 9 جىلعا باس بوستاندىعىنان ايىرۋ جازاسىن تاعايىنداۋدى سۇراعان بولاتىن.