الماتىدا ەرەكشە كورمە اشىلدى
بۇل قىزىقتى ديزاينەرلىك شەشىمدەر، ەرەكشە ونەر مەن تۇتىنۋشىلىق جاۋاپكەرشىلىكتىڭ وتكىر ماسەلەسىنە دەگەن جاڭا كوزقاراس.
كورمە جاستاردىڭ باستاماسىن قولداۋعا باعىتتالعان «3.2.1. ستارت!» جوباسىنىڭ جاڭا ماۋسىمىنىڭ باستالۋىنا ارنالادى. كورمەگە كەلۋشىلەردىڭ بارلىعى «Forum» ساۋدا ورتالىعىنىڭ فويەسىندەگى (سەيفۋللين داڭعىلى، 617) ءسان جانە ينتەرەر ديزاينەرلەرىنىڭ وڭدەلگەن پلاستيكتەردەن جاساعان جۇمىسىن تاماشالاي الادى، ونەر- وقيعاسى 3-مامىرعا دەيىن جالعاسادى.
«3.2.1. ستارت!» جوباسىن ۇيىمداستىرۋشىلار جاڭا تەندەنتسيالاردى دا ەسكەرىپ جانە زامان اعىمىنا ىلەسە وتىرىپ، Coca-Cola Icecek Kazakhstan (CCI Kazakhstan) اتىنان بيىلدان باستاپ «3.2.1. ستارت!» اكتسياسىن قازاقستان جاستارى اراسىندا پلاستيكتەردى بولەك جيناۋعا، ونى وڭدەۋدى دامىتۋعا جانە ناسيحاتتاۋعا باعىتتايتىن بولادى.
ءدال وسى وزگەرىستەر كومپانيالارعا - 2030 -جىلعا قاراي كومپانيا شىعارعان پلاستيكتەردى %100 جيناپ الۋ مىندەتتەمەسىن ورىنداۋعا كومەكتەسەدى.
كومپانيا وسى ماقساتپەن 6 قالادا قازاقستاننىڭ 10 جەتەكشى ۋنيۆەرسيتەتىنىڭ ستۋدەنتتەرىن تارتىپ، ولارمەن بىرگە ودان ءارى قاراي قالدىقتاردى ەكىنشى رەت پايداعا جاراتۋ ءۇشىن سۇرىپتاۋ مەن جيناۋ يدەيالارىن ازىرلەۋدى كوزدەپ وتىر.
«3.2.1. ستارت!» 8-جوباسىنا قاتىسۋشىلاردى پلاستيكتەر جيناۋ، ءوز ۋنيۆەرسيتتەتتەرىندە سۇرىپتاۋ مەن قايتا وڭدەۋ كەستەلەرى جونىندەگى تاپسىرمالار كۇتىپ تۇر، ال ەڭ جاقسى يدەيالار بايقاۋدى ۇيىمداستىرۋشىلاردىڭ قارجىلاي قولداۋىنىڭ ارقاسىندا جوو قابىرعاسىندا جۇزەگە اسىرىلماق.
ەڭ ۇزدىك يدەيالاردىڭ اۆتورلارى ماۋسىم اياعىنا قاراي ماراپات رەتىندە پلاستيكتەرگە «ەكىنشى ءومىر» سىيلاۋ ءۇشىن ونى قايتا وڭدەۋدەن وتكىزە الاتىن قىمبات جابىقتاردىڭ تولىق جەلىسىنە يە بولادى
«ءبىز ستۋدەنتتەرمەن بىرلەسكەن كۇش-جىگەرىمىزدىڭ، قازاقستاننىڭ ەكو-قاۋىمداستىعىنىڭ، بيزنەس جانە مەملەكەت وكىلدەرىنىڭ ارقاسىندا - بولەك جيناۋدى ەنگىزۋدىڭ ناتيجەسىندە - قايتا وڭدەۋ ونەركاسىبىن دامىتۋداعى ءوز ماقساتىمىزعا جەتۋدىڭ كوپتەگەن قىزىقتى جولدارىن تابا الاتىنىمىزعا نىق سەنىمدىمىز. بۇكىل الەم اينالمالى ەكونوميكاعا ۇمتىلىپ وتىر، جانە بىزدە ونى قازاقستاندا دامىتۋدىڭ بارلىق مۇمكىندىكتەر بار دەپ ەسەپتەيمىز»، - دەيدى CCI Kazakhstan كومپانياسىنىڭ كورپوراتيۆتىك بايلانىستار مەن تۇراقتى دامۋ جوبالارى جونىندەگى ديرەكتورى ءاليما يسەمبايەۆا.
CCI Kazakhstan كومپانياسى «3.2.1. ستارت!» جوباسىنان دا بولەك قوعامداستىق پەن جاستاردىڭ نازارىن تۇرمىستىق قالدىقتاردى ەكىنشىلىك پايدالانۋ ماسەلەسىنە اۋدارۋدى كوزدەپ وتىر. Plastic in Art كورمەسى دە وسى ماقساتتى كوزدەيتىندىكتەن، وعان قايتا وڭدەۋدەن وتكەن پلاستيكتەردەن جاسالعان نەشەتۇرلى ەكسپوناتتار قويىلادى.
ال كورمەگە كەلۋشىلەر قالدىقتاردى نەگە سۇرىپتاۋ قاجەتتىگى، مۇنى ۇيدە قالاي جاساۋعا بولاتىندىعى، جينالعان شيكىزاتتار قايدا باراتىنى تۋرالى بىلەتىن بولادى. ەڭ باستىسى ۇيىمداستىرۋشىلار پلاستيكتەرگە شيكىزەت رەتىندە قاراۋدى، ولارعا قالاي «ەكىنشى ءومىر» سىيلاۋعا بولاتىندىعى جايلى باياندايدى.
مىسالى، ماسەلەن كورمەدە ۇسىنىلعان Trashback-تەن ءمولدىر ۆازا جاساۋ ءۇشىن 29 پەت-بوتەلكە (پلاستيك) قايتا وڭدەلگەن، ال ءبىر NOA فۋتبولكاسىنا 15 بوتەلكە قاجەت بولعان. كورمەنىڭ ەڭ كورنەكتى ەكسپوناتىنىڭ ءبىرى - «3.2.1. ستارت!» جوباسىنىڭ الدىڭعى ماۋسىمىندا جەڭىسكە جەتكەن Rocket Plastic كومانداسى قۇلشىنا جاساعان ساكى دەسەك بولادى.
Coca-Cola كومپانياسى مۇنىڭ الماتىلىقتار مەن قالا قوناقتارى قاتىسقان ەكو- مارافون وتكىزىپ، جاستار قايتا وڭدەلگەن پلاستيكتەن ساكى جاساپ شىعارعان بولاتىن.
وسى ارادا تۇرعىنداردىڭ بەلسەندىلىگىنىڭ، سونداي-اق الماتى قالاسى اكىمدىگى مەن PlastNet جەلىسىنىڭ قولداۋىنىڭ ارقاسىندا 3 مىڭ تونناداي پلاستيك جينالعانىن، ونىڭ ءبىر بولىگىنەن العاشقى 6 پلاستيك ساكىنى جاسالىپ، ولاردىڭ الماتى قالاسىنا سىيعا تارتىلعانىن، بۇل ساكىلەردى م. گوركي اتىنداعى ساياباقتان كورۋگە بولاتىنىن ايتا كەتۋگە بولادى. ال قالعانى قايتا وڭدەۋگە جىبەرىلگەن. سوندىقتان كومپانيا وسىنداي باستامالاردى ودان ءارى قاراي ينۆەستيتسيالاۋعا نيەت ءبىلدىرىپ وتىر.
