شاحماتتان الەم چەمپيوناتى: ديماش قۇدايبەرگەن ءجۇرىس جاساپ، پارتيانى باستاپ بەردى
اتالعان پارتيانى الەمگە بەلگىلى ءانشى ديماش قۇدايبەرگەن سيمۆوليكالىق ءجۇرىس جاساپ، باستاپ بەردى. كەيىن قازاقپارات ءتىلشىسىنىڭ ساۋالىنا جاۋاپ بەرگەن ونەر يەسى ماتچقا قاتىستى ءوز پىكىرىمەن ءبولىستى.
«وسىنداي شاراعا شاقىرعانىنا وتە قۋانىشتىمىن. شەتەلدەن كەلگەن قوناقتارعا «قوش كەلدىڭىزدەر!» دەپ ايتامىن. ءوزىم شاحمات ويناي قويمايمىن. ءبىراق بۇل مەن ءۇشىن ۇلكەن مارتەبە بولدى»، - دەدى ديماش قۇدايبەرگەن.
ەسكە سالايىق، 9- ساۋىردە اتالعان قوس سپورتشى اراسىنداعى ماتچتى حالىقارالىق شاحمات فەدەراتسياسىنىڭ (FIDE) پرەزيدەنتى اركادي دۆوركوۆيچ پەن مادەنيەت جانە سپورت ءمينيسترى اسحات ورالوۆ باستاپ بەرگەن ەدى.
رەگلامەنتكە سايكەس الەم چەمپيونى اتاعى ءۇشىن ماتچ 14 پارتيادان قۇرالعان. تەڭ ەسەپ تىركەلگەن جاعدايدا 4 پارتيادان تۇراتىن تاي-برەيك بەلگىلەنەدى. ەگەر تاي-برەيكتە دە جەڭىمپاز انىقتالماسا، شاحماتشىلار بليتستە شەبەرلىك بايقاسادى. ودان ءارى «ءولىم پارتياسى» بار.
شاحماتتان الەم چەمپيوناتى استانادا 7- ءساۋىر باستالعان بولاتىن. وندا رەسەيلىك يان نەپومنياشي (فيدە) مەن قىتايلىق دين ليجەن الەم چەمپيونى اتاعىنا تالاسىپ جاتىر.
