17:25, 26 - ءساۋىر 2023 | GMT +5
تاريحتاعى ەڭ ۇلكەن جىلقى: جەلىدە تاراعان سۋرەت قانشالىق راس؟
استانا. قازاقپارات - الەۋمەتتىك جەلىدە تاريحتاعى ەڭ ۇلكەن جىلقىنىڭ سيرەك كەزدەسەتىن سۋرەتى دەگەن اتاۋمەن سۋرەت تارادى، - دەپ حابارلايدى Massaget.kz ءتىلشىسى annahar باسىلىمىنا سىلتەمە جاساپ.
باسىلىم مالىمەتىنشە، بۇل شىندىققا جاناسپايدى. سۋرەت شىنايى ەمەس، جاساندى ينتەللەكت باعدارلاماسى ارقىلى جاسالعان. سۋرەتتە ونىڭ جانىندا تۇرعان ەر ادامدارمەن سالىستىرعاندا بيىكتىگى بەس مەتردەن اساتىن جىلقى بەينەلەنگەن. سونداي-اق، وندا «تاريحتاعى ەڭ ۇلكەن جىلقىنىڭ سيرەك كەزدەسەتىن سۋرەتى» ەكەنى ايتىلادى.
ءبىراق بۇل مالىمدەمە ويدان شىعارىلعان جانە سۋرەت جاساندى ينتەللەكت باعدارلاماسىنىڭ ءونىمى عانا. ول Facebook-تەگى Midjourney پاراقشاسىندا جاريالانعانى انىقتالعان.
سونداي-اق، الەۋمەتتىك جەلىلەردە جاڭساق پىكىر قالىپتاستىرعان سۋرەت 8- ساۋىردە جاريالانعان.
