بارساكەلمەس قورىعىنداعى بورشوۆ قىزعالداعى گۇلدەدى

قىزىلوردا. قازاقپارات - قىزىلوردا اۋماعىنداعى «بارساكەلمەس» مەملەكەتتىك تابيعي قورىعىنداعى بورشوۆ قىزعالداعى گۇلدەدى، دەپ حابارلايدى قازاقپارات.

بۇل - رەسەيلىك بوتانيك يليا گريگوريەۆيچ بورشوۆتىڭ ەسىمىمەن اتالعان ارال تەڭىزى ءوڭىرىنىڭ ەندەميگى. اتالمىش قىزعالداق ءتۇرى «بارساكەلمەس» قورىعىندا كوپتەپ كەزدەسەدى، ءساۋىر- مامىر ايلارىندا گۇلدەپ، مامىر- ماۋسىم ايلارىندا جەمىستەنەدى. جەمىسى — ءۇش ۇيالى كوپ تۇقىمدى قاۋاشاق.

ەستەرىڭىزگە سالا كەتەيىك، الەمدە قىزعالداقتىڭ 3000 عا جۋىق ءتۇرى بار. ءبىزدىڭ ەلىمىزدە 35 ءتۇرى وسەدى، 18 ءى قازاقستاننىڭ قىزىل كىتابىنا ەنگىزىلگەن، ونىڭ ىشىندە بورشوۆ قىزعالداعى دا بار.