قورعاس بەكەتى اشىلعان ءبىرىنشى كۇنى شەتەلگە كارىپتاس اپارا جاتقان قازاقستاندىق ۇستالدى
بۇل تۋرالى جەتىسۋ وبلىسى بويىنشا مەملەكەتتىك كىرىستەر دەپارتامەنتىنە سىلتەمە جاساپ قازاقپارات حابارلايدى.
«قورعاس» حالىقارالىق شەكارا ماڭى ىنتىماقتاستىعى ورتالىعى» اشىلۋىنىڭ العاشقى كۇنىندە، ياعني 2023 -جىلدىڭ 24-ساۋىرىندە كەدەنشىلەر شەكارا قىزمەتىنىڭ جانە جەتىسۋ وبلىسى بويىنشا ەكونوميكالىق تەرگەۋ دەپارتامەنتى قىزمەتكەرلەرىمەن بىرلەسىپ، اۆتوكولىكتى تەكسەرۋ كەزىندە قازاقستاننان قىتايعا بارا جاتقان ق ر ازاماتى م.تىزگىندەگەن اۆتوكولىكتىڭ باگاجىنان جالپى سالماعى 336 گرام بولاتىن 9 دانا كارىپتاس تاپتى.
قازىرگى ۋاقىتتا كونتراباندالىق تاۋار اسىل تاستى جىكتەۋ جانە قۇندىق سيپاتتامالارىنىڭ نورماتيۆتىك- تەحنيكالىق قۇجاتتاما تالاپتارىنا سايكەستىگىن انىقتاۋ، كىنالى ادامعا تۇپكىلىكتى شەشىم شىعارۋ ءۇشىن ورتالىق كەدەن زەرتحاناسىنا ساراپتاماعا جىبەرىلدى.
زەرتحانا تاركىلەنگەن تاستىڭ باعالى تاستار ساناتىنا جاتاتىنىن راستاعان جاعدايدا كىنالى تۇلعا ق ر ا ق ب ت ك 545-بابىمەن اكىمشىلىك جاۋاپكەرشىلىككە تارتىلادى.
بۇل جاعدايدا 15 ا ە ك مولشەرىندە ايىپپۇل تولەيدى، ال تاۋار تاركىلەنۋى مۇمكىن.
ەگەر راستالماعان جاعدايدا تاۋارلاردى دەكلاراتسيالاماعانى نەمەسە جالعان كەدەندىك دەكلاراتسيا جاساعانى ءۇشىن ق ر ا ق ب ت ك 551-بابىمەن اكىمشىلىك جاۋاپكەرشىلىككە تارتىلادى، جەكە تۇلعالارعا 30 ا ە ك مولشەرىندە ايىپپۇل قاراستىرىلعان.
ەستەرىڭىزگە سالا كەتەيىك، 2023 -جىلدىڭ 24-ساۋىرىنەن باستاپ ءۇش جىلدىق قىزمەتىن توقتاتقاننان كەيىن «قورعاس» كەدەن بەكەتى ءوز جۇمىسىن قايتا باستادى.
«وسىعان بايلانىستى بارلىق ازاماتتار مەن «قورعاس» ح ش ى و» كەلۋشىلەرىنەن ق ر جانە ە ا ە و كەدەن زاڭناماسىن مۇلتىكسىز ساقتاۋدى سۇرايمىز» دەپ ەسكەرتەدى مەم كىرىستەر دەپارتامەنتى.
