قازاقستاندا قاي قالانىڭ تۇرعىندارى ۇزاق ءومىر سۇرەتىنى انىقتالدى

استانا. قازاقپارات - قازاقستاندىقتاردىڭ ءومىر ءسۇرۋ ۇزاقتىعى ءبىر جىلدىڭ ىشىندە 4,2 جاسقا ءوستى دەپ حابارلادى turkystan.kz.

ۇلتتىق ستاتيستيكا بيۋروسىنىڭ مالىمەتىنە سايكەس، 2022 -جىلى حالىقتىڭ ءومىر ءسۇرۋ ۇزاقتىعى 74,4 جاس بولسا، بۇل كورسەتكىش ءبىر جىلدىڭ ىشىندە بىردەن 4,2 جاسقا ءوستى.

ايتا كەتەيىك، 2020-2021 -جىلدارى ءومىر ءسۇرۋ ۇزاقتىعى كوپ جىلعى وسىمنەن كەيىن العاش رەت تومەندەگەن بولاتىن: 71,3 جانە 70,2 جاس.

گەندەرلىك تۇرعىدان العاندا، ايەلدەردىڭ ءومىر ءسۇرۋ ۇزاقتىعى 78,4 جاس بولسا، 2021 -جىلى 74 جاس بولعان. ال ەرلەر اراسىندا بۇل كورسەتكىش 70,2 جاسقا دەيىن ءوستى، بۇعان دەيىن سوڭعى 5 -جىلدا كورسەتكىش 68,8 جاس دەڭگەيىنەن كوتەرىلمەگەن بولاتىن.

وڭىرلىك بولىنىستە الماتى قالاسىندا ءومىر ءسۇرۋ ۇزاقتىعى ەڭ جوعارى - 77,3 جاس، ەڭ تومەنى ۇلىتاۋ وبلىسىندا - 71,4 جاس.