08:40, 26 - ءساۋىر 2023 | GMT +5
وسكەمەندە توعىزىنشى قاباتتان سەكىرمەك بولعان ايەل قۇتقارىلدى
وسكەمەن. قازاقپارات - وسكەمەن قالاسىندا توعىزىنشى قاباتتان سەكىرمەك بولعان ايەل قۇتقارىلدى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قۇتقارۋشىلارعا جىبەك ماتالار كومبيناتى ىقشام اۋدانىنداعى كوپقاباتتى تۇرعىن ءۇيدىڭ 9-قاباتىندا ايەل ادامنىڭ سەكىرگەلى تۇرعانى تۋرالى حابار ءتۇستى.
«وقيعا ورنىنا شۇعىل كەلىپ جەتكەن ت ج د مامانداندىرىلعان جاساق قىزمەتكەرلەرى بالكون تەرەزەسىنەن اياعىن تومەنگە سالبىراتىپ وتىرعان ايەلدى كورەدى. دەرەۋ بالكون استىنا «ءومىر كۋبى» دەپ اتالاتىن جۇمساق قورعانىش قۇرالىن ورناتتى»، - دەلىنگەن اقپاراتتا.
سول ۋاقىتتا قۇتقارۋشىلاردىڭ باسقا ءبىر بولىگى اۆتوساتى ارقىلى كوتەرىلىپ، ايەلدى ۇستاپ الدى دا ىشكە كىرگىزدى.
دەپارتامەنتتىڭ جەدەل قۇتقارۋ جاساعىنىڭ پسيحولوگى 34 جاستاعى ايەلمەن سويلەسىپ كوردى. ونىڭ سۋيتسيد جاساۋعا نيەتتەنۋىنە كۇيەۋىمەن ارادا بولعان جانجال سەبەپ بولعان.
