مەكسيكاداعى بوكس كەشىندە ءابىلحان امانقۇلدىڭ قارسىلاسى اۋىستى

استانا. قازاقپارات – 6-مامىر كۇنى مەكسيكانىڭ گۆادالاحارا قالاسىندا وتەتىن بوكس كەشىندە قازاقستاندىق ءابىلحان امانقۇلدىڭ قارسىلاسى اۋىستى، دەپ حابارلايدى قازاقپارات Sports.kz-كە سىلتەمە جاساپ.

گۆادالاحاراداعى بوكس كەشىندە ەكىنشى ورتا سالماقتاعى الەمنىڭ ءابسوليۋتتى چەمپيونى ساۋل «كانەلو» الۆارەس پەن بريتاندىق دجون رايدەر جۇدىرىقتاساتىنىن، اندەركاردتا ەكى قازاقستاندىق ونەر كورسەتەتىنىن جازعان بولاتىنبىز.

العاشىندا ءابىلحان امانقۇلدىڭ (3-0, 3 ك و) قارسىلاسى رەتىندە جەرگىلىكتى بوكسشى حەسۋس پالومارەس (7-2-1, 4 ك و) اتالعان بولاتىن. ەندى BoxRec.com سايتىندا امانقۇلدىڭ وپپونەنتى رەتىندە وزگە مەكسيكالىق فابيان ريوسا فراۋستو (7-6-3, 4 كو ) كورسەتىلگەن.

اتالعان كەشتە سونداي- اق رينگكە تاعى ءبىر قازاقستاندىق بەك نۇرماعامبەت (9-0, 7 ك و) شىعادى. ونىڭ قارسىلاسى - ۆەنەسۋەلالىق ارگەنيس ەسپانەي (15-1, 14 ك و) .