ەرلان قاريننىڭ توراعالىعىمەن سينتەتيكالىق ەسىرتكىمەن كۇرەس ماسەلەسى تالقىلاندى
جيىندا سينتەتيكالىق ەسىرتكىنىڭ تارالۋى ءجىتى قارالدى. قازاقپارات بۇل تۋرالى اقورداعا سىلتەمە جاساپ حابارلايدى.
سينتەتيكالىق ەسىرتكىمەن كۇرەس ماسەلەسى ەڭ العاش رەت ق ر پرەزيدەنتى جانىنداعى جاستار ساياساتى جونىندەگى كەڭەستىڭ 2022 -جىلى تامىز ايىندا وتكەن وتىرىسىندا قوزعالعان بولاتىن.
مەملەكەت باسشىسى قاسىم- جومارت توقايەۆ 2022 -جىلدىڭ قىركۇيەك ايىندا جاريالاعان جولداۋىندا سينتەتيكالىق ەسىرتكىمەن كۇرەستى مەملەكەتتىك ساياساتتىڭ باسىم باعىتتارىنىڭ ءبىرى رەتىندە اتادى. ودان بولەك، بۇل ماسەلەنى ءوزىنىڭ سايلاۋالدى باعدارلاماسىنا دا ەنگىزدى.
وسىنداي ستراتەگيالىق قۇجاتتاردى جۇزەگە اسىرۋ اياسىندا قازاقستان رەسپۋبليكاسىنىڭ ناشاقورلىققا جانە ەسىرتكى بيزنەسىنە قارسى 2023-2025 -جىلدارعا ارنالعان كەشەندى جوسپارىنىڭ جوباسى ازىرلەنىپ جاتىر. بۇل جۇمىسقا كەڭەس مۇشەلەرى دە بەلسەندى تۇردە اتسالىسۋدا.
بۇگىنگى كەزدەسۋگە كەڭەس مۇشەلەرىمەن قاتار ىشكى ىستەر، دەنساۋلىق ساقتاۋ، وقۋ- اعارتۋ مينيسترلىكتەرىنىڭ باسشىلارى قاتىستى. ولار سينتەتيكالىق ەسىرتكىنىڭ تارالۋىنا قارسى كۇرەس، ازىرلەنىپ جاتقان كەشەندى جوسپار شەڭبەرىندە ناشاقورلىقتان ەمدەۋ جانە وڭالتۋ ماسەلەلەرى باعىتىندا اتقارىلعان جۇمىستار جايىندا باياندادى.
جۇمىس كەزدەسۋىنىڭ سوڭىندا اقپاراتتىق- پروفيلاكتيكالىق جۇمىستارعا جۇرتشىلىقتى بەلسەندى قاتىستىرا وتىرىپ، مەملەكەتتىك ورگاندار ءۇشىن ناقتى ۇسىنىمدار بەرىلدى.
