20:34, 25 - ءساۋىر 2023 | GMT +5
شىمكەنتتىك دارىگەرلەر جۇرەگى توقتاپ قالعان ادامدى ءتىرىلتىپ الدى
شىمكەنت. قازاقپارات - شىمكەنتتىك دارىگەرلەر كلينيكالىق ءولىم كۇيىنە تۇسكەن ادامدى ءتىرىلتىپ الدى، دەپ حابارلايدى قازاقپارات ءتىلشىسى.

شىمكەنت قالالىق №2 اۋرۋحاناسىنا جەدەل جاردەممەن 52 جاستاعى قالا تۇرعىنى اسا اۋىر حالدە جەتكىزىلدى. ناۋقاس جولدا كلينيكالىق ءولىمدى باستاپ كەشكەن. قيىندىقتارعا قاراماستان، دارىگەرلەر وعان دەر كەزىندە العاشقى كومەك كورسەتتى. ناتيجەسىندە جۇرەگى توقتاپ قالعان تۇرعىننىڭ كۇرەتامىرى قايتا سوققان.
«تۇرعىن اۋرۋحاناعا جەتكىزىلگەن ساتتە جاعدايى وتە اۋىر بولدى. كلينيكالىق ولىممەن جەتكىزىلدى. يۆل اپپاراتىن قوستىق. قازىرگى جاعدايى تۇراقتى، ناۋقاس وزدىگىنەن دەمالىپ جاتىر. پاتسيەنت ءۇشىنشى كۇنى جانساقتاۋ بولىمىنەن كارديولوگيا بولىمشەسىنە اۋىستىرىلدى» ، - دەيدى رەانيماتسيا ءبولىمىنىڭ مەڭگەرۋشىسى ەرجان شەرالى ۇلى.