قازاقستانعا جاڭا بۋىن ينتەرنەت جەلىسى قاشان كەلەدى
بەسىنشى بۋىن جەلىلەرىنىڭ ۇلەسى ءبىر جىلدا %6,7 دان %12,5 عا دەيىن ارتقان جانە ءوسۋ ديناميكاسى ءالى دە جالعاسادى.
Ericsson بولجامىنشا، 2028 -جىلدىڭ سوڭىنا قاراي 5G ابونەنتتەرىنىڭ سانى 5 ميلليارد-قا جەتەدى، بۇل نارىقتىڭ جارتىسىنان استامىن% 53,9 قۇرايدى.
ءوز كەزەگىندە، 2022 -جىلى 4G ابونەنتتەرىنىڭ سانى 5,2 ميلليارد نەمەسە نارىقتىڭ %61,5 ىن كورسەتىپ، ەڭ جوعارى دەڭگەيگە جەتتى.
سونىمەن قاتار، 2023 -جىلدان باستاپ 5G دامۋىنا بايلانىستى 4G ۇلەسىنىڭ بىرتىندەپ تومەندەۋى بولجانۋدا، ونىڭ الدىڭعى بۋىندارى (2G,3G) دا قۇلدىراۋ ديناميكاسىندا قالادى.
5G جەلىسى 4G- گە قاراعاندا 100 ەسە جىلدام جانە ادامدار مەن بيزنەس ءۇشىن تۇبەگەيلى جاڭا، بۇرىن بولماعان مۇمكىندىكتەر جاسايدى.
قوسىلۋ جىلدامدىعىنىڭ جوعارىلاۋى، كىدىرىستىڭ ازايۋى جانە وتكىزۋ قابىلەتىنىڭ ارتۋى سالالاردىڭ وزگەرۋىنە، قوعامنىڭ دامۋىنا جانە جەلىنى كۇندەلىكتى پايدالانۋ ساپاسىنىڭ ايتارلىقتاي جاقسارۋىنا ىقپال ەتەدى.
5G تەحنولوگياسىنىڭ كومەگىمەن قاۋىپسىز، ينتەللەكتۋالدى جانە تۇراقتى بولاشاق قۇرۋعا بولادى.
جالپى العاندا، ۇيالى بايلانىس جۇيەلەرىنىڭ ەۆوليۋتسياسى 1980- جىلداردان باستاۋ الادى جانە 1G، 2G، 3G، 4G جانە 5G سەكىلدى بىرنەشە بۋىندى قامتيدى.
ۇيالى بايلانىس ەۆوليۋتسياسىنىڭ ءاربىر جاڭا كەزەڭى بۋىن (G — Generation) دەپ اتالادى.
قازاقستاندا دا 5G جەلىسىن دامىتۋ جۇمىستارى جۇرۋدە. بەسىنشى بۋىن جەلىسىن كوممەرتسيالىق پايدالانۋعا بەرۋدى Kcell/Activ جانە Tele2/Altel وپەراتورلارى جۇزەگە اسىرادى.
ماسەلەن، KCELL ۇيالى بايلانىس وپەراتورى قازىرگى ۋاقىتتا رەسپۋبليكالىق ماڭىزى بار قالالاردا 5G جەلىسىنىڭ 48 بازالىق ستانتسياسىن ورناتتى (الماتىدا 28, شىمكەنتتە 10, استانادا 1 جانە تۇركىستاندا 9) .
جالپى، 2023 -جىلى Kcell رەسپۋبليكا بويىنشا 3000 عا جۋىق جاڭا بازالىق ستانتسيا سالۋدى جوسپارلاپ وتىر، ونىڭ 700 گە جۋىعى 5G تەحنولوگياسى بويىنشا سالىنادى.
بيىل 5G ازىرگە ادام كوپ جينالاتىن جەرلەردە عانا قولجەتىمدى بولادى، ءبىراق 2024 -جىلى وبلىس ورتالىقتارىنىڭ بارلىق اۋماقتارىن قامتۋ جوسپارلانعان.
