14:21, 25 - ءساۋىر 2023 | GMT +5
قازاقستاندىقتار «الەمدەگى ەڭ باقىتتى ەلدە» تەگىن دەمالا الادى
استانا. قازاقپارات - التىنشى جىل قاتار «الەمدەگى ەڭ باقىتتى ەل» اتاعىن فينليانديا جەڭىپ الدى، - دەپ حابارلايدى Tengritravel.kz ءتىلشىسى thrillist.com باسىلمىنا سىلتەمە جاساپ.
بۇل ەۋروپالىق ەلدىڭ بيلىگى كەرەمەت ناۋقان وتكىزىپ جاتىر: 10 ادام ءتورت كۇندىك دەمالىسقا جولدامانى ۇتىپ الا الادى. ولار الداعى شىلدە ايىندا Visit Finland ۇيىمداستىرعان باقىتتىڭ شەبەرلىك-ساعاتىنا قاتىسادى.
بۇل كونكۋرسقا قازاقستاندىقتار دا قاتىسا الادى. رەسمي تۋريستتىك سايتتاعى اقپارات بويىنشا سىزگە ونلاين تىركەلىپ، TikTok نەمەسە Instagram جەلىسىندە «ءوز ىشىڭدەگى فيندى ىزدەۋ جولى» اتتى تاپسىرمانى ورىنداۋ قاجەت.
تاپسىرما قانداي؟ سىزگە روليك ءتۇسىرىپ، وندا شەبەرلىك ساعاتىنا نەگە قاتىسقىڭىز كەلەدى جانە فيندەرمەن قانداي جەكە قاسيەتىڭىز ۇقساس ەكەنىن ايتۋ كەرەك.
«ولار كۋرۋدا - ادام اياعى باسپاعان ورمانمەن قورشالعان كۋرورتا ءومىر سۇرەدى. ءوتىنىشتى قابىلداۋ 2023 -جىلدىڭ 2-ساۋىرىندە باستالدى»، - دەپ جازادى دەرەككوز.
