الەمدەگى اسكەري قاقتىعىستاردىڭ قورىتىندىسىن تالداپ وتىرامىز - قارۋلى كۇشتەر باس شتابى
«بۇگىنگى تاڭدا الەمدە جانە وڭىرلەردەگى جاعدايلارعا بايلانىستى قارۋلى كۇشتەردىڭ اتقاراتىن ءرولىنىڭ ءسوزسىز ماڭىزى بار.
قازىرگى ىشكى جانە سىرتقى قاۋىپتەر ەلىمىزدىڭ اسكەري قاۋىپسىزدىگىنە ەرەكشە كوڭىل اۋدارۋدى قاجەت ەتەتىنى انىق. وسىعان وراي ازاماتتارىمىز «ەگەر دە ەل باسىنا كۇن تۋسا، قارۋلى كۇشتەرىمىزدىڭ قانداي مۇمكىنشىلىگى بار؟» دەگەن ساۋالدى ءجيى قوياتىنى راس.
كۇمانداردى ءبىراز سەيىلتۋ ءۇشىن بۇگىنگى قاراستىراتىن ماسەلە، بۇل اسكەرلەردىڭ دايارلىعىن ۇيىمداستىرۋداعى جاڭا باستامالار جانە قارۋلى كۇشتەردە وتكەن وقۋ- جاتتىعۋلار تۋرالى بولماق.
قازىرگى تاڭدا الەمدەگى بولىپ جاتقان اسكەري قاقتىعىستارداعى جەدەل جاعدايلاردى مۇقيات قاداعالاپ، قورىتىندىسىن تالداپ وتىرامىز»، - دەدى باس شتاب وكىلى.
سونداي- اق، ول كەيىنگى جىلدارى زاماناۋي اسكەري ءىس- قيمىلداردى جۇرگىزۋدە ءبىرتالاي وزگەرىستەر بولىپ جاتقانىن ەسكە سالدى.
«اسكەري ءىس- قيمىلدىڭ بارىسىنا جانە اياقتالۋىنا قاشىقتىقتا وق اتۋمەن زاقىمدايتىن جوعارى دالدىكتى قۇرالداردىڭ، ۇشقىشسىز اۆياتسيانىڭ، قالىقتاۋىش وق- دارىلەردىڭ بار بولۋى، ارنايى وپەراتسيالار كۇشتەرىن جانە جەكە اسكەري كومپانيالاردى جانە اقپاراتتىق كەڭىستىكتە قارسى كۇرەسۋ قۇرالدارىن قولدانۋ ىقپال ەتەدى.
تانكىگە قارسى جانە تاسىمالداۋشى زەنيتتىك- زىمىراندىق كەشەندەرمەن جابدىقتالعان اۋماقتىق قورعانىس كۇشتەرىن قولدانۋ ويداعىداي ناتيجەلەر كورسەتۋدە.
ارتيللەريانىڭ (اسىرەسە باتارەياعا قارسى كۇرەس)، تانكى اسكەرلەرىنىڭ، ينجەنەرلىك قامتاماسىز ەتۋدىڭ وزەكتىلىگى تومەندەمەي وتىر. بارلاۋدىڭ، بۇركەنىشتىڭ جانە لوگيستيكا ءرولىنىڭ ماڭىزدىلىعىنا كوز جەتىپ وتىر»، - دەدى داۋرەن ابدۋللين.
