الماتىدا بالالاردى تەگىن ۇيىرمەلەرگە تىركەۋ قاشان باستالادى

الماتى. قازاقپارات- الماتىدا 2- مامىردان باستاپ بالالاردى تەگىن سەكسيالار مەن ۇيىرمەلەرگە تىركەۋ باستالادى، دەپ حابارلايدى قازاقپارات ءتىلشىسى.
None

الماتى قالالىق اكىمدىك تاراتقان مالىمەتكە سايكەس، بيىل 26 -ساۋىردەن باستاپ مەگاپوليستە مەملەكەتتىك شىعارماشىلىق جانە سپورتتىق تاپسىرىستاردى ورنالاستىرۋ ءۇشىن جەتكىزۋشىلەردەن ءوتىنىم قابىلداۋ باستالادى.

بۇگىندە پايدالانۋشىلارعا قوسىمشا مۇمكىندىك پەن ىڭعايلى جاعداي ۇسىناتىن www.damubala.kz اتتى جاڭا اقپاراتتىق جۇيەگە كوشۋ اياقتالدى.

«2023 -جىلعى 3 -ناۋرىزدان باستاپ الماتى اكىمدىگى مەملەكەتتىك شىعارماشىلىق جانە مەملەكەتتىك سپورتتىق تاپسىرىستى ىسكە اسىرۋ ءۇشىن وكىلەتتىكتى اۋدان اكىمدىكتەرىنە بەردى. مەملەكەتتىك تاپسىرىستى ۇيلەستىرۋدى اۋداندارعا بەرۋ باعدارلامانى ىسكە اسىرۋ كەزىندەگى كوپتەگەن كەمشىلىكتى الدىن الادى. مىسالى، تەگىن سەكسيالار مەن ۇيىرمەلەردى تىركەۋ جانە دۇرىس كورسەتپەۋ فاكتىلەرى كەزدەستى» ، - دەپ اتاپ ءوتتى اكىمدىكتەن.

26 -ءساۋىر كۇنى ساعات 9:00-دەن باستاپ وپەراتورلار باعدارلامادا بۇرىن جۇمىس ىستەگەندەر مەن جاڭادان قوسىلۋشىلار ءۇشىن جەتكىزۋشىلەردىڭ جۇمىسىنا كاسىپكەرلەردەن ءوتىنىم تىركەۋدى باستايدى.

ال، 2-مامىردا ساعات 18:00-دەن باستاپ اتا- انالار پورتالداعى ۇيىرمەلەر مەن سەكسيالارعا قاتىسۋ ءۇشىن بالالارىن تىركەي الادى.

بالالار مەن جاسوسپىرىمدەرگە ارنالعان شىعارماشىلىق ۇيىرمەلەردە مەملەكەتتىك شىعارماشىلىق تاپسىرىستى ورنالاستىرۋ جانە ولاردىڭ جۇمىس ىستەۋ قاعيداسىنىڭ 12-تارماعىنا سايكەس، ءوتىنىم قاراۋ جانە ۆاۋچەرلەردى ءبولۋ وپەراتوردىڭ وسى جىلعا ارنالعان بيۋدجەتىندە كوزدەلگەن مەملەكەتتىك تاپسىرىس ءۇشىن قاراجات كولەمى تولىق بولىنگەن كەزدە اياقتالاد.

الماتى قالاسىنداعى جەتكىزۋشىلەر مەن اتا- انالار ءۇشىن پلاتفورمانى ازىرلەۋشىنىڭ Telegram قولداۋ قىزمەتى بار.

سوڭعى جاڭالىقتار