قىزىلوردادا ەكى ەر ادامنىڭ جانجالى كىسى ولىمىمەن اياقتالدى

استانا. قازاقپارات - قىزىلوردادا اۋرۋحانادا كوز جۇمعان تۇرعىنعا اۋىر دەنە جاراقاتىن سالعان كۇدىكتى انىقتالدى، دەپ حابارلايدى polisia.kz.

24-ءساۋىر كۇنى پوليتسياعا قالالىق اۋرۋحانادان 42 جاستاعى ازاماتتىڭ جانساقتاۋ بولىمىندە قايتىس بولعانى تۋرالى حابارلاما تۇسكەن.

پوليتسيا قىزمەتكەرلەرى جەدەل-ىزدەستىرۋ جۇمىستارى جۇرگىزدى. تەكسەرۋ بارىسىندا ەكى ازاماتتىڭ ءوزارا جانجالداسىپ، سالدارىنان جابىرلەنۋشى العان اۋىر دەنە جاراقاتتارىنان اۋرۋحانادا قايتىس بولعاندىعى انىقتالدى.

اتالعان دەرەك بويىنشا ق ر ق ك 106-بابىنىڭ 3-بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر. بۇل قىلمىسقا كۇدىكتى ازامات وقيعا ورنىنان بوي تاسالاعان.

جەدەل ىزدەستىرۋ شارالارىنىڭ ناتيجەسىندە كۇدىكتى 38 جاستاعى قالا تۇرعىنى ۇستالدى. ول ۋ ۇ ي-عا قامالدى. ءتيىستى ساراپتامالار تاعايىندالدى. وقيعانىڭ ءمان-جايى انىقتالىپ جاتىر.