ەۋرازيا ۇلتتىق ۋنيۆەرسيتەتىندە قىرعىز ءتىلى مەن مادەنيەتى ورتالىعى اشىلدى
سالتاناتتى شارادا قىرعىز رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى داستان ديۋشەكەيەۆ قىرعىزستان مەن قازاقستان اراسىندا ءبىلىم بەرۋ سالاسىندا كەلىسىم بار ەكەنىن جەتكىزدى.
«ورتالىقتىڭ اشىلۋى ءبىزدىڭ ازاماتتارىمىزدىڭ، وسىندا وقيتىن ستۋدەنتتەر ءۇشىن ساپالى ءبىلىم الۋعا ۇلكەن الەۋەتكە جول اشادى» ، - دەدى ديپلومات.
قىرعىز ءتىلى مەن مادەنيەتى ورتالىعى ە ۇ ۋ- دىڭ وقۋ- زەرتحانالىق عيماراتىندا اشىلدى. وندا ەكى ەلدىڭ زيالى قاۋىم وكىلدەرىنىڭ ەڭبەكتەرى نازارعا ۇسىنىلعان. ەۋرازيا ۇلتتىق ۋنيۆەرسيتەتى مەن وش مەملەكەتتىك ۋنيۆەرسيتەتى بىرلەسە ءبىلىم بەرۋ باعدارلامالارىن جۇزەگە اسىرىپ كەلەدى، سونىمەن بىرگە ورتالىقتا ءتىل كۋرستارى وتكىزىلمەك.
«بۇل - ءبىزدىڭ نەگىزگى سەرىكتەسىمىز وش مەملەكەتتىك ۋنيۆەرسيتەتىمەن عىلىمي- اكادەميالىق ىنتىماقتاستىق اياسىنداعى بايلانىستى كەڭەيتۋدەگى ماڭىزدى قادام. 2019 -جىلدان باستاپ ەۇۋ- دا قىرعىزستاننىڭ جوعارى وقۋ ورىندارىنان 200-دەن استام شەتەلدىك ءبىلىم الۋشىلار ءارتۇرلى ءبىلىم بەرۋ باعدارلامالارى بويىنشا وقىدى. ورتالىقتىڭ اشىلۋى باۋىرلاس ەلدەرىمىز اراسىنداعى ىنتىماقتاستىقتى ودان ءارى نىعايتۋعا ەرەكشە ۇلەس قوساتىنىنا سەنىمدىمىز» ، - دەدى ل. گۋميليەۆ اتىنداعى ەۇۋ رەكتورى ەرلان سىدىقوۆ.
وتكەن جىلى قىرعىزستاندا ە ۇ ۋ فيليالى اشىلعان. بۇگىنگى تاڭدا وندا 30-عا جۋىق قىرعىز ستۋدەنتى ءبىلىم الادى. ولار قازاق ءتىلى، اۋدارما ءىسى مەن ادەبيەت ماماندىعى بويىنشا وقيدى.
«ءبىزدىڭ ۋنيۆەرسيتەتتەر اراسىنداعى ىنتىماقتاستىق قىرعىزستان مەن قازاقستان اراسىنداعى ديپلوماتيالىق قاتىناستاردىڭ دامۋىنا اسەر ەتەدى. ويتكەنى، ءبىلىم - مەملەكەتتەر اراسىنداعى كوپىر. ءبىز ءۇشىن ە ۇ ۋ - قازاقستانداعى ۇزدىك ۋنيۆەرسيتەت. بۇگىنگى ماڭىزدى ءىس- شارا ە ۇ ۋ مەن و ش م ۋ اراسىنداعى دوستىققا سەرپىن بەرەدى دەپ سەنەمىن» ، - دەپ اتاپ ءوتتى وشمۋ رەكتورى قۇدايبەردي قوجوبەكوۆ.
اتاپ وتكەن ءجون، ەۇۋ قىرعىز رەسپۋبليكاسىنىڭ 16 جوعارى وقۋ ورنىمەن اكادەميالىق ۇتقىرلىق، قوس ديپلومدى ءبىلىم بەرۋ، وقىتۋشىلىق تاجىريبە الماسۋ شەڭبەرىندە ىنتىماقتاستىق ورناتقان.
