قازاقستان دەلەگاتسياسى ا ق ش- تا ءبىرقاتار كەزدەسۋگە قاتىسادى –س ءى م
ساپار اياسىندا بىرىككەن ۇلتتار ۇيىمى باسشىلىعىمەن كەزدەسۋلەر جوسپارلانعان.
«اتاپ ايتقاندا، 2030-جىلعا دەيىنگى كەزەڭگە ارنالعان كۇن ءتارتىبى، اۋعانستانداعى احۋال، قۇقىقتىق، بىتىمگەرشىلىك، ورتالىق ازيا وڭىرىندەگى دامۋ جانە قاۋىپسىزدىك، سونداي-اق ورتالىق ازيا مەن اۋعانستان ەلدەرى ءۇشىن ورنىقتى دامۋ ماقساتتارى بويىنشا بۇۇ وڭىرلىك ورتالىعىن قۇرۋدى قوسا العاندا، قازاقستاندىق باستامالاردى ىلگەرىلەتۋ بويىنشا ىنتىماقتاستىق تالقىلاناتىن بولادى»، - دەدى ا. سمادياروۆ ەلوردادا وتكەن باسپا ءسوز ءماسليحاتىندا.
سونىمەن قاتار قايرات وماروۆ ب ۇ ۇ قاۋىپسىزدىك كەڭەسىنىڭ تاياۋ شىعىس بويىنشا اشىق پىكىرتالاسىنا قاتىسادى.
«2023-جىلعى 27-28-ساۋىردە قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى ۆاشينگتونعا بارادى. ساپار بارىسىندا ساياسي، ساۋدا- ەكونوميكالىق جانە مادەني-گۋمانيتارلىق سالالارداعى ارەكەتتەستىكتىڭ جاعدايى مەن پەرسپەكتيۆالارىن تالقىلاۋ ءۇشىن ا ق ش اكىمشىلىگىنىڭ وكىلدەرىمەن جانە مەملەكەتتىك دەپارتامەنت باسشىلىعىمەن ءبىرقاتار كەزدەسۋ جوسپارلانعان»، - دەدى رەسمي وكىل.
بۇدان بۇرىن حابارلانعانداي، 2023-جىلعى 26-27- ساۋىردە قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ باستاعان قازاقستاندىق دەلەگاتسيا سيان قالاسىندا وتەتىن «ورتالىق ازيا - قىتاي» ديالوگ فورماتىنداعى سىرتقى ىستەر مينيسترلەرىنىڭ 4- كەڭەسىنە قاتىسادى.
