ورتالىق ازيا ەلدەرى مەن قىتايدىڭ سىرتقى ىستەر مينيسترلەرى كەزدەسەدى
«ورتالىق ازيا ەلدەرى مەن قىتايدىڭ سىرتقى ساياسي ۆەدومستۆولارى باسشىلارىنىڭ الداعى وتىرىسىنىڭ نەگىزگى ماسەلەلەرىنىڭ ءبىرى - 2023-جىلعى مامىردا سيان قالاسىندا جوسپارلانعان «ورتالىق ازيا - قىتاي» العاشقى سامميتىنە دايىندىق. بۇدان باسقا، كەزدەسۋگە قاتىساتىندار التىجاقتى ىنتىماقتاستىقتىڭ ءتۇرلى سالالارىنداعى پەرسپەكتيۆالارىن، ياعني كولىك-لوگيستيكالىق ينفراقۇرىلىم سالاسىنداعى ءوزارا بايلانىستى نىعايتۋدى، ورتالىق ازيا ەلدەرىنەن قىتايعا اۋىل شارۋاشىلىعى ءونىمىنىڭ ەكسپورتىن ۇلعايتۋدى، ەلەكتروندىق كوممەرتسيانى دامىتۋدى، سونداي-اق وسى فورماتقا قاتىسۋشى ەلدەردىڭ قۇزىرەتتى ورگاندارى اراسىندا ءوزارا ءىس-قيمىلدىڭ جاڭا تەتىكتەرىن قۇرۋدى تالقىلايدى»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ەلوردادا وتكەن باسپا ءسوز ءماسليحاتىندا.
ونىڭ ايتۋىنشا، باس قوسۋ بارىسىندا وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرىنە ەرەكشە نازار اۋدارىلادى. تاراپتار ۇلتتىق ۇستانىمدار بويىنشا پىكىر الماسپاق.
