سۋدانداعى قازاقستان ازاماتتارى قاۋىپسىز جەرگە شىعارىلدى - مينيسترلىك

استانا. قازاقپارات - سۋدانداعى قازاقستان ازاماتتارى قاۋىپسىز جەرگە شىعارىلدى.
None
Фото: bbc

بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.

بۇگىن سىرتقى ىستەر مينيسترلىگىندە وتكەن باسپا ءسوز ءماسليحاتىندا تىلشىلەر سۋدانداعى قازاقستان ازاماتتارىن شىعارۋعا قاتىستى سۇراق قويدى.

«سۋداندا ءۇش ازاماتىمىز بولعان. ولار قاۋىپسىز جەرگە شىعارىلعانى تۋرالى اقپارات بار. بىرەۋى ب ۇ ۇ جۇيەسىندە قىزمەت ەتكەن. ول ەفيوپيا استاناسىنا جەتكىزىلدى. ەكىنشى ازامات جاپون كومپانياسىندا جۇمىس ىستەدى. ول جاپونيا ديپلوماتتارى كومەگىمەن سۋداننان شىعارىلدى»، - دەدى ا. سمادياروۆ.

بۇدان بۇرىن حابارلانعانداي، بيىل ءساۋىر ايىندا سۋداندا كۇش قۇرىلىمدارى اراسىندا قارۋلى قاقتىعىس باستالدى.

قاقتىعىستىڭ بەسىنشى كۇنىندە سۋدان دەنساۋلىق ساقتاۋ مينيسترلىگى دۇنيەجۇزىلىك دەنساۋلىق ساقتاۋ ۇيىمىنا (د د س ۇ) 270 ادامنىڭ قازا تاپقانىن جانە 2600 دەن استام ادامنىڭ جاراقات العانىن مالىمدەدى.


سوڭعى جاڭالىقتار