ەربوسىن ۇلىن نوكاۋتقا تۇسىرگەن كۋبالىق كەزەكتى قارسىلاسىن ءبىرىنشى راۋندتا ۇيىقتاتتى

استانا. قازاقپارات - كۋبالىق بوكسشى داۆيد موررەل (9-0، 8 KO) 2012 -جىلعى وليمپيادانىڭ قولا جۇلدەگەرى ياماگۋچي فالكاونى (24-2-1، 10 KO) ءبىرىنشى راۋندتا-اق نوكاۋتقا ءتۇسىردى، دەپ حابارلايدى Vesti.kz.

بۇل جەكپە-جەك لاس-ۆەگاستاعى بوكس كەشىندە ءوتتى. باسىندا برازيليالىق بوكسشى ەسەڭگىرەپ قالدى، ال ودان كەيىن موررەل شابۋىلىن ۇدەتىپ، قارسىلاسىن تەرەڭ نوكاۋتقا ءتۇسىردى.

وسىلايشا، كۋبالىق بوكسشى سۋپەرورتا سالماقتا WBA World بەلبەۋىن قورعاپ قالدى.

ەسكە سالايىق، 2022-جىلى قاراشادا موررەل قازاقستاندىق ايدوس ەربوسىن ۇلىن 12-راۋندتا اۋىر نوكاۋتقا تۇسىرگەن بولاتىن.