الەمگە ايگىلى بوكسشىلاردىڭ ايقاسى نوكاۋتپەن ءبىتتى

استانا. قازاقپارات - لاس-ۆەگاستاعى بوكس كەشىنىڭ باستى ايقاسىندا جەڭىل سالماقتاعى امەريكالىق دجەرۆونتا دەۆيس (29-0، 27 KO) پەن رايان گارسيا (23-1، 19 KO) بەتپە-بەت كەلدى، دەپ حابارلايدى Vesti.kz.

ەكىنشى راۋندتا-اق گارسيا ءبىر رەت نوكداۋنعا ءتۇستى، دەگەنمەن جاقسى جۇدىرىقتاستى.

جەتىنشى راۋندتا گارسيا باۋىردان اۋىر سوققى وتكىزىپ الدى دا، تىزەگە وتىرىپ قالدى. وسىدان كەيىن ول جەكپە-جەكتى جالعاستىرا المادى.

وسىلايشا، رايان كارەراسىندا العاش رەت جەڭىلىپ وتىر. دەۆيس بولسا كاسىپقويدا ءالى جەڭىلمەدى.

ايتا كەتەيىك، رايان دا، دجەرۆونتا دا قازىرگى تاڭدا الەمدەگى ەڭ اتاقتى بوكسشىلاردىڭ ءبىرى. گارسيا كەزىندە كانەلومەن جاتتىقسا، دەۆيس ايگىلى مەيۆەزەردىڭ قول استىندا.