15:10, 24 - ءساۋىر 2023 | GMT +5
تانىمال اقىن ءجۇرسىن ەرماننىڭ جاعدايى بەلگىلى بولدى
استانا. قازاقپارات - تانىمال اقىن ءجۇرسىن ەرماننىڭ جاعدايى بەلگىلى بولدى. جەلىدە اقىننىڭ شاكىرتتەرى ونىڭ سۋرەتتەرىن سالىپ، جازبا جاريالادى.
اقىن قازىرەت بەردىحان ءجۇرسىن ەرماننىڭ دەنساۋلىعى جاقسارعانى تۋرالى جازدى.
«وزبەكستاننان تالعات ورىنبەك دەگەن تاماشا تالانت، ايتىسكەر باۋىرىمىز ءجۇرسىن ەرمان كوكەمىزگە امانداسا كەلىپتى. كوكەمىزدىڭ دەنساۋلىعى جاقسارىپ، دالاعا شىعىپ، تازا اۋا جۇتىپ ءجۇرمىز» دەپ جازدى ول.
بەلگىلى بولعانداي، ايت قارساڭىندا بۇكىل اقىن ءجۇرسىن ەرماننىڭ شاڭىراعىندا جينالعان. كادرلاردان اسانالى ءاشىموۆ، التىنبەك قورازبايەۆ سەكىلدى تانىمال ونەر يەلەرىنەن باستاپ، مۇحتار نيازوۆ، امانجول التايەۆ سەكىلدى ايتىسكەرلەر دە كورىنەدى. ال ورتادا ءجۇرسىن ەرمان وتىر.
«ايت كۇنى ايتىسقا قاتىسى بارلاردىڭ ءبىرازى ءجۇرسىن كوكەمىزدىڭ شاڭىراعىندا باس قوستى! مۇحتار نيازوۆ ايتپاقشى، ايتتان ايتقا، ايتىستان ايتىسقا امان جەتە بەرەيىك!» دەپ جازدى اقىن.
turkystan.kz
