شىمكەنتتىك قۇتقارۋشىلار ءبىر وتباسىن ۋلانۋدان امان الىپ قالدى

شىمكەنت. قازاقپارات - شىمكەنتتىك قۇتقارۋشىلار ءبىر وتباسىن ۋلانۋدان امان الىپ قالدى، دەپ حابارلايدى قازاقپارات ءتىلشىسى.

وقيعا 23-ءساۋىر كۇنى بولدى. قۇتقارۋ قىزمەتىنىڭ «112» تەلەفون نومەرىنە حابارلاسقان تۇرعىندار تۋىستارىنىڭ ءبىراز ۋاقىتتان بەرى ەسىكتى اشپاي جاتقانىن ايتقان.

ءال-فارابي اۋدانى جانگەلدين كوشەسى بويىنداعى 28-ءۇيدىڭ پاتەرىن بۇزىپ كىرگەن قۇتقارۋشىلار ىشتەن 6 ادامدى قاۋىپسىز جەرگە الىپ شىقتى.

ولاردىڭ ىشىندە 1987 -جىلعى ازاماتشا جانە 2006، 2005 -جىلى تۋعان قىزدار مەن 2011، 2013، 2015 -جىلعى ەر بالالار بار.

«قۇتقارۋشىلار زارداپ شەككەندەردى تازا اۋاعا شىعارىپ، العاشقى مەديتسينالىق كومەك كورسەتتى. كەيىن جەدەل جاردەم قىزمەتكەرلەرىنە تاپسىردى. قازىرگى تاڭدا وتباسىنىڭ ۋلانۋ سەبەپتەرى انىقتالىپ جاتىر. سوت-مەديتسينالىق ساراپتاما تاعايىندالدى» - دەلىنگەن شىمكەنت قالاسى ت ج د قوعاممەن بايلانىس توبى تاراتقان اقپاراتتا.