مەملەكەتتىك ءتىل ساياساتى جونىندەگى كوميسسيانىڭ قۇرامى وزگەرەدى

استانا. قازاقپارات - مەملەكەتتىك ءتىل ساياساتىن ىسكە اسىرۋ جونىندەگى كوميسسيا قۇرامىنىڭ جاڭا مۇشەلەرى بەكىتىلمەك. بۇل تۋرالى «اشىق» ن ق ا پورتالىندا جاريالانعان ۇكىمەت وكىمىنىڭ جوباسىندا كورسەتىلگەن، دەپ حابارلايدى قازاقپارات ءتىلشىسى.

ءمالىم بولعانداي، مەملەكەتتىك ءتىل ساياساتىن ىسكە اسىرۋ جونىندەگى كوميسسيانىڭ قۇرامىندا مىناداي وزگەرىستەر بولادى:

- ق ر پارلامەنتىنىڭ سەناتى اپپاراتى باسشىسىنىڭ ورىنباسارى سپوتكاي ماكسيم الەكساندروۆيچتىڭ ورنىنا ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى سالقىنباي انار بەكمىرزا قىزى؛

- عىلىم كوميتەتىنىڭ «ا. بايتۇرسىنوۆ اتىنداعى ءتىل ءبىلىمى ينستيتۋتى» كاسىپورنىنىڭ مادەنيەت جانە ءتىل ءبولىمىنىڭ مەڭگەرۋشىسى، فيلولوگيا عىلىمدارىنىڭ كانديداتى ءامىرجانوۆا نازيرا سەرىك قىزىنىڭ ورنىنا عىلىم كوميتەتىنىڭ «ا. بايتۇرسىنوۆ اتىنداعى ءتىل ءبىلىمى ينستيتۋتى» كاسىپورنىنىڭ ءبولىمىنىڭ مەڭگەرۋشىسى، فيلولوگيا عىلىمدارىنىڭ دوكتورى، پروفەسسور كۇدەرينوۆا قۇرالاي بيمولدا قىزى؛

- مەملەكەت جانە قوعام قايراتكەرى، فيلولوگيا عىلىمدارىنىڭ دوكتورى، پروفەسسور احمەتوۆ ءادىل قۇرمانجان ۇلىنىڭ ورنىنا جازۋشى، پۋبليتسيست، قازاقستاننىڭ ەڭبەك سىڭىرگەن قايراتكەرى سمايىل الدان زەينوللا ۇلى؛

- «Qazcontent» ا ق باسقارما ءتوراعاسىنىڭ كەڭەسشىسى روجين ماكسيم نيكولايەۆيچتىڭ ورنىنا ق ر ۇلتتىق عىلىم اكادەمياسىنىڭ تولىق مۇشەسى، فيلولوگيا عىلىمدارىنىڭ دوكتورى، پروفەسسور قۇرماناليەۆ كارىمبەك ارىستانبەك ۇلى.

كوميسسيانىڭ جاڭا قۇرامىن بەكىتۋدى كوزدەيتىن ۇكىمەت وكىمىنىڭ جوباسى 5-مامىرعا دەيىن كوپشىلىك تالقىلاۋدا بولادى.