15:03, 23 - ءساۋىر 2023 | GMT +5
ءىرى قارادان قاراسان انىقتالعان قاراعاندى وبلىسىنداعى قىستاق كارانتينگە جابىلدى
استانا. قازاقپارات - قاراعاندى وبلىسىنا قاراستى سارىشاعان كەنتىندەگى قىستاقتا ءىرى قارا مالدان قاراسان اۋرۋى انىقتالدى، دەپ حابارلايدى قازاقپارات ءتىلشىسى.
«اقتوعاي اۋدانى، سارىشاعان كەنتىنىڭ «نۇريسلام» قىستاعىنىڭ اۋماعىنداعى ءىرى قارا مالداردىڭ اراسىنان قاراسان اۋرۋى انىقتالۋىنا بايلانىستى كارانتين بەلگىلەنسىن. وسى شەشىمنىڭ ورىندالۋىن باقىلاۋدى وزىمە قالدىرامىن»، - دەلىنگەن «اشىق» ن ق ا پورتالىندا جاريالانعان سارىشاعان كەنتىنىڭ اكىمى ا. تويىمبەكوۆتىڭ شەشىم قۇجاتىندا.
شەكتەۋ 21-ساۋىردە زاڭدى كۇشىنە ەندى.
ەسكە سالايىق، بىلتىر جەلتوقساندا قاراعاندى وبلىسى قارقارالى اۋدانىنا قاراستى مارتبەك مامىرايەۆ اۋىلدىق وكرۋگىندەگى «سۆيريدوۆ» قوجالىعىندا ءىرى قارادان قاراسان انىقتالعان ەدى.
