تۇركىستان وبلىسىندا ەلىمىزدەگى ەڭ ۇلكەن جىلىجاي كەشەنىنىڭ ىرگەتاسى قالاندى
كەلەس اۋدانىندا ەلىمىزدەگى ەڭ ۇلكەن جىلىجاي كەشەنىنىڭ كاپسۋلاسىن قويۋ ءراسىمى ءوتتى. 500 گەكتار اۋماقتا ورنالاساتىن ونەركاسىپتىك جىلىجايلار جوباسى «ەكو- كۋلتۋرا» كومپانياسىنىڭ قولداۋىمەن جۇزەگە اسىپ وتىر.
مۇندا نەگىزىنەن قىزاناق پەن قيار وسىرىلمەك. زاماناۋي جىلىجاي كەشەنى جىلىتۋ جۇيەسى مەن سالقىنداتۋدى، جارىق رەجيمىن، تامشىلاتىپ سۋارۋدى، اتموسفەراداعى كومىرقىشقىل گازىنىڭ مولشەرىن باسقاراتىن زاماناۋي اۆتوماتتاندىرىلعان كليماتتىق باقىلاۋ جۇيەسىمەن جابدىقتالادى.
سالتاناتتى جيىنعا تۇركىستان وبلىسىنىڭ اكىمى دارحان ساتىبالدى، «قازاقستان دامۋ بانكى» ا ق باسقارما ءتوراعاسى نۇرلان بايبازاروۆ، «KazakhInvest» اق- نىڭ باسقارما ءتوراعاسى مەيىرجان يۋسۋپوۆ، «ەكو- كۋلتۋرا» اگرونەركاسىپتىك حولدينگى ديرەكتورلار كەڭەسىنىڭ ءتوراعاسى الەكساندر رۋداكوۆ قاتىستى. ءوڭىر ءۇشىن بۇل جوبانىڭ اسا ماڭىزدى ەكەنىن ايتقان وبلىس اكىمى وڭىردە اگروونەركاسىپ كلاستەرى داميتىنىن جەتكىزدى.
«تۇركىستان - رەسپۋبليكا حالقىن جەمىس- جيدەكپەن جانە كوكونىس ونىمدەرىمەن قامتاماسىز ەتەتىن نەگىزگى ءوڭىر. وبلىستا 1569 گەكتار القاپتا 3366 بىرلىك جىلىجاي بار. بۇل رەسپۋبليكاداعى جىلىجايلاردىڭ 71 پايىزى قۇرايدى. وندا 12 مىڭنان استام ادام ەڭبەك ەتۋدە. 2015 -جىلمەن سالىستىرعاندا اتالعان سالاعا تارتىلعان ينۆەستيتسيا كولەمى 7 ەسەگە ۇلعايدى، - دەدى دارحان ساتىبالدى.
رەسەيلىك «ەكو- كۋلتۋرا» اگرونەركاسىپتىك حولدينگى ديرەكتورلار كەڭەسىنىڭ ءتوراعاسى الەكساندر رۋداكوۆ بۇل جوبا اگروسالانى دامىتۋعا ۇلكەن سەرپىن بەرەتىنىن اتاپ ءوتتى.
كەلەس اۋدانى، بىرلىك اۋىلىندا جۇزەگە اساتىن جوبانىڭ ءبىرىنشى كەزەڭىنىڭ قۇرىلىسى 2024 -جىلدىڭ تامىز ايىندا اياقتالادى دەپ جوسپارلانىپ وتىر. ال بۇكىل جوبا 2027 -جىلى تولىقتاي جۇزەگە اسپاق.
