ەلىمىزدە ءتورت كۇندىك جۇمىس اپتاسى پايدا بولادى
2023 -جىلعى 1-شىلدەدەن باستاپ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىندا قابىلدانعان ەڭبەك كودەكسىنە وزگەرىستەر ەنگىزىلەدى.
ەڭبەك كودەكسىنە سايكەس بەس كۇندىك نەمەسە التى كۇندىك جۇمىس اپتاسى، سونداي- اق تولىق ەمەس جۇمىس اپتاسى قاراستىرىلعان (ۇزاقتىعى تاراپتاردىڭ كەلىسىمى بويىنشا انىقتالادى).
بۇل رەتتە جەكەلەگەن وندىرىستەردە ءارتۇرلى اپتالاردا ءبىر مەزگىلدە بەس كۇندىك جانە ءتورت كۇندىك جۇمىس اپتاسىن بەلگىلەۋ قاجەتتىلىگى تۋىندايدى: 71-باپتىڭ 3-تارماعى جۇمىس ۋاقىتى رەجيمى مىناداي مازمۇنداعى ەكىنشى بولىكپەن تولىقتىرىلادى:
تاراپتاردىڭ كەلىسىمى بويىنشا ەڭبەك شارتىندا بەس كۇندىك نەمەسە التى كۇندىك جۇمىس اپتاسىمەن كەزەكتەسۋ قۇقىعىمەن ءتورت كۇندىك جۇمىس اپتاسىن بەلگىلەۋگە جول بەرىلەدى.
وسىعان بايلانىستى 78-باپتىڭ 2-تارماعى ۇستەمە جۇمىستاردىڭ شەكتى سانىن 4, 5 كۇندىك جۇمىس اپتاسىنا بولەدى:
ۇستەمە جۇمىستاردىڭ جالپى ۇزاقتىعى جۇمىس ۋاقىتىنىڭ جيىنتىق ەسەبىن بەلگىلەۋ كەزىندە ايىنا ون ەكى ساعاتتان - ءتورت كۇندىك، بەس كۇندىك جانە التى كۇندىك جۇمىس اپتاسىندا جانە جىلىنا ءجۇز جيىرما ساعاتتان اسپاۋعا ءتيىس.
بۇعان دەيىن قالاي بولدى: 78-باپ. ۇستەمە جۇمىستاردىڭ شەكتى سانى.
ۇستەمە جۇمىستىڭ جالپى ۇزاقتىعى ايىنا ون ەكى ساعاتتان جانە جىلىنا ءجۇز جيىرما ساعاتتان اسپاۋعا ءتيىس.
ەندى نە وزگەرەدى: 78-باپ. ۇستەمە جۇمىستاردىڭ شەكتى سانى.
ۇستەمە جۇمىستاردىڭ جالپى ۇزاقتىعى جۇمىس ۋاقىتىنىڭ جيىنتىق ەسەبىن بەلگىلەۋ كەزىندە ايىنا ون ەكى ساعاتتان - ءتورت كۇندىك، بەس كۇندىك جانە التى كۇندىك جۇمىس اپتاسىندا جانە جىلىنا ءجۇز جيىرما ساعاتتان اسپاۋعا ءتيىس.
تيىسىنشە، 84-باپتا ءتورت كۇندىك جۇمىس رەجيمىندە دەمالىس كۇندەرى بەلگىلەنەدى.
بەس كۇندىك، التى كۇندىك نەمەسە ءتورت كۇندىك جۇمىس اپتاسىندا جالپى دەمالىس كۇنى جەكسەنبى بولىپ قالا بەرەدى. بەس كۇندىك جانە (نەمەسە) ءتورت كۇندىك جۇمىس اپتاسىنداعى ەكىنشى نەمەسە ءۇشىنشى دەمالىس كۇنى ۇجىمدىق شارتتا نەمەسە ەڭبەك ءتارتىبىنىڭ ەرەجەلەرىندە بەلگىلەنەدى.
ازىرلەۋشىلەردىڭ پىكىرىنشە، بەس كۇندىك جۇمىس كەستەسىمەن جۇمىس ىستەۋدىڭ ءبىر اپتاسى، ءتورت كۇندىك جۇمىس اپتاسىمەن ەكىنشى اپتا سياقتى جۇمىس رەجيمىن قولدانۋعا بولادى. بۇل تاجىريبە كەڭسە قىزمەتكەرلەرىنە قولدانىلادى جانە ەڭبەك سالاسىنداعى حالىقارالىق ستاندارتتارعا سايكەس كەلەدى.
