بۇگىن قازاقستاننىڭ اسكەري پوليسياسى قۇرىلعان كۇن
اسكەري پوليتسيانىڭ تاريحى 1997 -جىلعى 22-ساۋىردە پرەزيدەنت قول قويعان قازاقستان رەسپۋبليكاسىنىڭ قۇقىق قورعاۋ ورگاندارى جۇيەسىن ودان ءارى رەفورمالاۋ جونىندەگى شارالار تۋرالى جارلىقتان باستالدى.
26 جىل ىشىندە اسكەري پوليتسيادا اسكەري ورتاداعى قۇقىق بۇزۋشىلىقتى باقىلاۋ مەن الدىن الۋدىڭ ءتيىمدى جۇيەسى قۇرىلدى.
بيىلعى جىلدىڭ 14-ناۋرىزىندا قابىلدانعان اسكەري پوليسيا ورگاندارى تۋرالى جاڭا زاڭ دا قارۋلى كۇشتەردەگى قۇقىقتىق ءتارتىپتى نىعايتۋعا، ولاردىڭ مارتەبەسىن ارتتىرۋعا جانە وكىلەتتىكتەرىن كەڭەيتۋگە باعىتتالعان.
انىقتاۋ، جەدەل- ىزدەستىرۋ فۋنكسيالارىن جۇزەگە اسىراتىن، قۇقىقتىق ءتارتىپتى، اسكەري قىزمەتتىڭ، جول ءجۇرىسىنىڭ قاۋىپسىزدىگىن قامتاماسىز ەتەتىن اسكەري پوليتسيا قارۋ- جاراقتىڭ وزىق تۇرلەرىمەن جانە ارنايى تەحنيكالىق قۇرالدارمەن جاراقتاندىرىلعان.
ولاردىڭ ارسەنالىندا زاماناۋي اۆتوموبيلدەر، جىلجىمالى بەكەتتەر، وبەكتىلەردى قاشىقتان باقىلاۋ كەشەندەرى، لازەرلىك قاشىقتىق ولشەگىشتەر، بەينەتىركەگىشتەر جانە تەكسەرۋ ەندوسكوپتارى بار.
جىل سايىن 80 نەن اسا ادام اسكەرگە شاقىرۋ جانە ودان ءارى قىزمەت وتكەرۋ ءۇشىن اسكەري پوليسيا ماماندارىن دايارلاۋ ورتالىعىندا باستاپقى وقۋدان وتەدى. اسكەري كينولوگتاردىڭ كاسىبي شەبەرلىگى حالىقارالىق دەڭگەيدە تانىلىپ كەلەدى. اسكەري پوليسەيلەر قازاقستان قارۋلى كۇشتەرىنىڭ سپارتاكيادالارىنا، ارميالىق كوپسايىسقا، جەڭىل اتلەتيكالىق جانە حالىقارالىق جارىستارعا بەلسەندى تۇردە قاتىسىپ، اركەز جۇلدەلى ورىندار الىپ ءجۇر.
«ولاردىڭ كاسىبي شەبەرلىگى مەن قويىلعان مىندەتتەردى ورىنداۋعا جاۋاپكەرشىلىكپەن قاراۋى ەلدىڭ قورعانىس قابىلەتىن نىعايتىپ، قازاق اسكەرىنىڭ ءيميدجىن ارتتىرۋعا ىقپال ەتەدى»، - دەلىنگەن حابارلامادا.
