قىزىلوردادا برۋتسەللەز جۇقتىرعاندار سانى ءوستى
وبلىستا جىل باسىنان بەرى برۋتسەللەز (سارىپ) اۋرۋىنىڭ 11 دەرەگى انىقتالدى. بۇل كورسەتكىش وتكەن جىلدىڭ سايكەس مەرزىمىمەن سالىستىرعاندا 3 جاعدايعا ارتقان.
«ولاردىڭ اراسىندا 14 جاسقا دەيىنگى بالالار مەن جاسوسپىرىمدەر اراسىندا اۋرۋشاڭدىق كورسەتكىشىنىڭ ءوسۋ تەندەنتسياسى بايقالادى. اتاپ ايتقاندا، 14 جاسقا دەيىنگىلەر ۇلەسى - 18, 15-19 جاستاعىلار -27, 19 جاستان جوعارىلار -%55 دى قۇرايدى. سارىپ اۋرۋى بيىل اۋداندار بويىنشا قارماقشىدا – 3، جاڭاقورعاندا - 2 دەرەگى تىركەلسە، ول قىزىلوردا قالاسىندا 6 جاعدايدى قۇرادى. دەرتكە شالدىققانداردىڭ اراسىندا اۋىل تۇرعىندارىنىڭ ۇلەسى %45,4» ، - دەدى قىزىلوردا وبلىسى سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءاليا ءابدىقايىموۆا.
ۆەدومستۆو مالىمەتىنشە، برۋتسەللەز اۋرۋىمەن سىرقاتتانعان 9 ناۋقاستىڭ ءۇي جاعدايىندا ۋاق جانە وزگە دە ءۇي اۋىلشارۋاشىلىق مالدارىنا كۇتىم جاساعانى بەلگىلى بولدى. قالعان 2 مال شارۋاشىلىعىمەن اينالىسپايدى، ءسۇت پەن ەتتى ساۋدا ورىندارىنان ساتىپ الىپ تۇتىنادى.
