جاپونيا پوليتسياسى پرەمەر- مينيستر كيشيدانىڭ تيىسىنشە قورعالعانىن تەكسەرمەك
وسىدان ءبىر اپتا بۇرىن جاپونيانىڭ باتىسىندا وتكەن سايلاۋ ناۋقانى اياسىنداعى شارا كەزىندە ەل پرەمەر- ءمينيسترى كيشيدا فۋميوعا قاراي جارىلعىش زات لاقتىرىلعان بولاتىن. بۇل - بۇرىنعى پرەمەر- مينيستر ابە سيندزو اتىلعاننان كەيىن، ءبىر جىل بولماي جاتىپ، جوعارى لاۋازىمدى تۇلعاعا جاسالعان ەكىنشى شابۋىل. وسى رەتتە، پوليسيا قاۋىپسىزدىك شارالارىن مۇقيات پىسىقتاپ شىقپاق. ايتا كەتسەك، جاپونيا ۇكىمەتىنىڭ بۇرىنعى باسشىسى 2022 -جىلعى 8-شىلدەدە قايتىس بولدى. ابەگە جاسالعان شابۋىلدان كەيىن مەملەكەتتىك پوليتسيا باسقارماسى VIP تۇلعالاردى قورعاۋ جونىندەگى ەرەجەلەرىن جاڭارتقان.
جاپوندىقتار اراسىندا بۇل جاعدايدىڭ ساقشىلار ءۇشىن ساباق بولعانى ايتىلادى. ويتكەنى، وسى جولى پوليسەي جارىلعىش زاتتى لەزدە قاعىپ جىبەرىپ، كيشيدا بالىقشىلار پورتىنان دەرەۋ ەۆاكۋاتسيالانعان. الايدا، كۇدىكتىنىڭ شارا وتەتىن جەرگە دەيىن جەتۋىنە جول بەرىلۋىن سىنعا العاندار دا بار. قالاي بولعاندا دا، پوليتسيا اتالعان وقيعادان كەيىن ونىڭ سەبەپتەرىن زەرتتەۋگە كىرىسكەن.
