مەكسيكا پرەزيدەنت ۇشاعىن تاجىكستانعا ساتتى
مەكسيكا باسشىسىنىڭ ايتۋىنشا، پرەزيدەنتتىك ۇشاق تاجىكستان ۇكىمەتىنە شامامەن 92 ميلليون دوللارعا ساتىلعان.
لوپەس وبرادور 2018-جىلدىڭ 1- جەلتوقسانىنداعى ۇلىقتاۋدان كەيىن ۇشاقتى پايدالانۋدان باس تارتىپ، ونى اۋە كەمەسىنىڭ قىمباتتىعىمەن تۇسىندىرگەن.
اسكەتيزمدى ۇستاناتىن ەل پرەزيدەنتى ادەتتە كوممەرتسيالىق رەيستەرمەن ۇشادى.
مەكسيكا پرەزيدەنتى اۋە كەمەسىن ءتىپتى اۋكسيوندا ساتۋعا تىرىسقان.
ۇشاق باستاپقىدا بۇرىنعى پرەزيدەنت ەنريكە پەنيا نەتو ءۇشىن 200 ميلليون دوللارعا الىنعان.
ۇشاقتى ساتۋداعى قيىندىقتار ونىڭ تەك 80 جولاۋشىنى قابىلداي الاتىنىنا جانە دۋشى بار پرەزيدەنتتىك ليۋكس بولمەسىنە بايلانىستى.
ساراپشىلاردىڭ پىكىرىنشە، بۇل كولىكتى 300 دەن استام جولاۋشى مىنەتىن ۇشاققا اينالدىرۋ جۇمىسى قىمباتقا تۇسەر ەدى.
كيلومەتراجى از بولعانىنا قاراماستان، مەكسيكا قىزمەت كورسەتۋ شىعىندارىنىڭ قىمباتتىعىنا بايلانىستى Boeing 787 دەن قۇتىلۋعا اسىقتى.
«وتە ۇزاق ۋاقىتتان كەيىن عانا ۇشاقتى ساتتىق. ءبىز باقىتتىمىز»، - دەدى لوپەس وبرادور ۇشاقتىڭ ىشىندە تۇسىرگەن ۆيدەوسىندا.
ونىڭ ايتۋىنشا، ۇشاقتى ساتۋدان تۇسكەن قاراجات ەكى اۋرۋحانا سالۋعا جۇمسالادى.
