ماڭعىستاۋدا قوقيقازداردىڭ نەدەن قىرىلعانى بەلگىلى بولدى

استانا. قازاقپارات - ورمان شارۋاشىلىعى جانە جانۋارلار الەمى كوميتەتى ماڭعىستاۋداعى قوقيقاز ءولىمى بويىنشا مالىمدەمە جاسادى، دەپ حابارلايدى قازاقپارات.

ايتا كەتەيىك، 19- ءساۋىر كۇنى ماڭعىستاۋ وبلىسى بەينەۋ اۋدانى سام اۋىلىندا قوقيقازداردىڭ ولىمىنە قاتىستى اقپارات تاراعان.

وقيعا ورنىنا اۋداندىق ۆەتەرەناريا ستانتسيا قىزمەتكەرى، سام اۋىلىنىڭ اكىمى، سام ورمان جانە جانۋارلار دۇنيەسىن قورعاۋ مەكەمەسىنىڭ ديرەكتورىنىڭ ورىنباسارى باردى.

اتالعان اۋماقتان 4 قوقيقازدىڭ ولەكسەسى تابىلدى.

ايتا كەتۋ كەرەك، بەينەۋ اۋدانىنىڭ اۋماعى قۇستاردىڭ ماۋسىمدىق ميگراتسيا جولىنا كىرەدى.

«سوڭعى ۋاقىتتا اۋدان اۋماعىندا اۋا رايىنىڭ قولايسىز جاعدايى تىركەلگەن - جەل جىلدامدىعى 15-20 م/س جەتىپ، شاڭدى داۋىل سوقتى. الدىن الا بولجام بويىنشا، قۇستار جوعارى كەرنەۋلى ەلەكتر سىمدارىنا سوعىلىپ، بۇل ولاردىڭ ولىمىنە اكەلگەن بولۋى مۇمكىن» دەپ حابارلادى كوميتەتتىڭ باسپا ءسوز قىزمەتى.

قۇستاردىڭ ولەكسەسىن ۆەتەريناريا ماماندارى بەينەۋ اۋداندىق ۆەتەرينارلىق لابوراتورياعا تەكسەرۋگە الدى.