قازاقستاندا ەكسپورتتىق-كرەديتتىك اگەنتتىك قالاي قۇرىلادى
بۇل تۋرالى ق ر ساۋدا جانە ينتەگراتسيا ۆيتسە-ءمينيسترى قايرات تورەبايەۆ الەۋمەتتىك جەلىدە جازدى، دەپ حابارلايدى قازاقپارات.
ق ر پارلامەنتى ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ مۇشەلەرى وتاندىق شيكىزاتتىق ەمەس ەكسپورتتى ىلگەرىلەتۋگە باعىتتالعان ەكسپورتتىق-كرەديتتىك اگەنتتىك تۋرالى زاڭ جوباسىن قارادى.
«بۇگىنگى تاڭدا الدىمىزدا 2025-جىلعا قاراي شيكىزاتتىق ەمەس ەكسپورت كولەمىن كەمىندە ەكى ەسە ۇلعايتۋ مىندەتى تۇر. قازاقستاندا ەكسپورتتىق-كرەديتتىك اگەنتتىك قۇرۋ ماسەلەسى وسى ماقساتقا جەتۋ ءۇشىن قيسىندى قادام بولماق. ول رەسەيدەگى ەكسار، قىتايداعى Sinosure، كورەياداعى K- Sure، گەرمانياداعى Euler Hermes سىندى مەملەكەتتىك ەكسپورتتىق نەسيەلىك اگەنتتىكتەرى ارقىلى الەمدەگى شيكىزاتتىق ەمەس ەكسپورتتى دامىتۋدىڭ الەمدىك تاجىريبەسىنە نەگىزدەلگەن. دامىعان ەلدەردە ەكسپورتتىق- كرەديتتىك اگەنتتىكتەر ەكسپورتقا باعدارلانعان كاسىپورىنداردى ىلگەرىلەتۋمەن اينالىسادى، ولار ارنايى قۇقىقتىق مارتەبەگە يە جانە ۇكىمەتكە ەسەپ بەرەدى»، - دەپ جازدى ق. تورەبايەۆ Facebook جەلىسىندە.
بۇل ماسەلە سوڭعى بىرنەشە جىل بويى تالقىلانىپ، وتكەن جىلى زاڭ جوباسى مۇددەلى مەملەكەتتىك ورگاندارمەن جانە قوعامدىق ۇيىمدارمەن كەلىسىلىپ، كەشە ءماجىلىستىڭ قاراۋىنا شىعارىلعان.
قۇجاتتىڭ ماقساتى - قازاقستاندا دە- يۋرە ەكسپورتتىق ساقتاندىرۋ كومپانياسى، ءىس جۇزىندە ەكسپورتتىق-كرەديتتىك اگەنتتىك بولىپ سانالاتىن «KazakhExport» كومپانياسى بازاسىندا تولىققاندى ەكسپورتتىق-كرەديتتىك اگەنتتىك قۇرۋ.
«ياعني، بۇگىندە ەكسپورتتىق-كرەديتتىك اگەنتتىك فۋنكتسيالارىن ءىس جۇزىندە ورىنداپ جاتقان KazakhExport - زاڭدى تۇردە ۇلتتىق بانكتىڭ ساقتاندىرۋ قىزمەتىن جۇزەگە اسىرۋعا ليتسەنزياسى بار ەكسپورتتىق ساقتاندىرۋ كومپانياسى، بۇل كومپانيانى قولداۋ قۇرالدارىن ساقتاندىرۋمەن، ەكسپورتتى قايتا ساقتاندىرۋمەن شەكتەپ وتىر. كومپانيانى ە ك ا- عا ترانسفورماتسيالاۋ جانە ەلدە شيكىزاتتىق ەمەس ەكسپورتتى دامىتۋ مەن قولداۋدىڭ تولىققاندى ينستيتۋتىن قۇرۋ ەكسپورتتىق وپەراتسيالاردان، سۋبسيديالاۋدان، كەپىلدەندىرۋدەن باستاپ، وتكىزۋ نارىقتارى، ەلدەردىڭ تاۋارلار مەن قىزمەتتەرگە قاجەتتىلىكتەرى ماسەلەلەرى بويىنشا سەرۆيستىك قولداۋعا دەيىن مۇمكىندىك بەرەدى»، - دەيدى ۆيتسە-مينيستر.
ەكسپورتتاۋشىلار شاعىن جانە ءىرى بيزنەس كليەنتتەرى اراسىندا كولەمى بويىنشا بولىنبەيدى. كومپانيا قىزمەتتەرىن قازاقستاندىق كومپانيالار ەرىكتى نەگىزدە پايدالانا الادى.
ياعني، ەكا قۇرالدارىن ەكسپورتتاۋشىلار ءۇشىن قولدانۋ بۇرىنعىداي مىندەتتى بولمايدى.
ءار كومپانيا ءوزىنىڭ سىن-قاتەرلەرى مەن قارجىلىق مۇمكىندىكتەرىن ەسەپتەيدى.
ءبىراق قاجەت بولعان جاعدايدا ەكا ەكسپورتتاۋشىلاردى قورعاۋدىڭ بارلىق قاجەتتى ارسەنالىن ۇسىنا الادى.
«KazakhExport 2016-جىلدان باستاپ 845 ميلليارد تەڭگەدەن استام سوماعا 196 ەكسپورتتاۋشىعا قولداۋ كورسەتكەن. وتكەن جىلى قولداۋ سوماسى 259,1 ميلليارد تەڭگەگە جەتتى جانە 526 شەتەلدىك ساتىپ الۋشىلارمەن ساۋدا قاتىناستارىن جولعا قويعان 80 ەكسپورتتاۋشىنى قامتىدى. 2016-2022-جىلدارى KazakhExport قازاقستان ەكسپورتىن قولداۋ ءۇشىن 506,2 ميلليارد تەڭگەگە ەكىنشى دەڭگەيدەگى بانكتەردەن قوسىمشا قاراجات تارتقانىن اتاپ وتكەن ءجون»، - دەدى قايرات تورەبايەۆ.
