الماتى وبلىسىنان تابىلعان قار بارىسى حايۋاناتتار باعىنا جەتكىزىلدى

استانا. قازاقپارات - الماتى وبلىسىندا ەر ادام مال باعىپ ءجۇرىپ جول-جونەكەي السىرەگەن قار بارىسىن كەزدەستىرگەن.

ول دەرەۋ قۇزىرلى ورگاندارعا حابارلاسىپ، بۇگىندە جانۋار قامقورلىققا الىندى، دەپ حابارلايدى قازاقپارات ءتىلشىسى.

الەۋمەتتىك جەلىدە قاماۋدا بولعان قار بارىسىنىڭ ۆيدەوسى تارادى.

«الماتى وبلىسىندا تۇرعىندار قورشاۋعا قامالعان قار بارىسىن ۆيدەوعا تۇسىرگەن. وقيعانىڭ الماتى وبلىسى نارىنقول اۋىلىندا بولعانى ايتىلعان. قىزىل كىتاپقا ەنگەن جانۋاردى نەگە قاماپ قويعان؟ وكىنىشكە قاراي، ول جاعىن انىقتاۋ مۇمكىن بولمادى»، - دەلىنگەن جازبا استىندا.

جەلىدەگى جاريالانىمعا ورمان شارۋاشىلىعى جانە جانۋارلار دۇنيەسى كوميتەتى تۇسىنىك بەردى.

«19- ءساۋىر كۇنى الماتى وبلىسى رايىمبەك اۋداندىق پوليتسياسىنىڭ كەزەكشى بولىمىنە سارىباستاۋ كەنتىنىڭ تۇرعىنى مال جايۋ كەزىندە السىرەگەن قار بارىسى (ارتقى اياقتارىنىڭ قوزعالىس فۋنكتسيالارى بۇزىلعان) كەزىككەنى جايلى حابار ءتۇستى. وقيعا ورنىنا «وحوتزووپروم» ءو ب» ر م ق ك ينسپەكتورلارى، رايىمبەك اۋدانى پوليتسيا ءبولىمى قىزمەتكەرى مەن تابيعات قورعاۋ پوليتسياسى بارىپ، اكت تولتىرىلدى»، - دەلىنگەن رەسمي حابارلامادا.

سونداي-اق، كوميتەت قىزىل كىتاپقا ەنگەن جانۋار 20- ءساۋىر كۇنى الماتى حايۋاناتتار باعىنا جەتكىزىلگەنىن حابارلادى.